Biełaruskaja ekanomika pajšła ŭ rost, ale «mabilizacyjnyja padychody» zachavajucca
Biełaruskaja ekanomika praciahvaje pracavać va ŭmovach mahutnaha jak ekanamičnaha, tak i palityčnaha cisku, ale idzie ŭ rost. Pra heta zajaviŭ na kanale ANT ministr ekanomiki Biełarusi Alaksandr Čarviakoŭ.
Pavodle Čarviakova, ekanomika praciahvaje pracavać va ŭmovach «mahutnaha jak ekanamičnaha, tak i palityčnaha cisku».
Pavodle jaho, mabilizacyjnyja padychody ŭ ekanomicy sioleta zachavajucca. «Na žorstkim kantroli va ŭrada šeść klučavych paramietraŭ u raźvićci ekanomiki: vytvorčaść, ekspart, inviestycyi, rentabielnaść, cenaŭtvareńnie i dachody nasielnictva. Voś mienavita na hetych klučavych paramietrach i skancentravanaja praca ŭrada».
Pavodle Čarviakova, pieršy kvartał užo pakazaŭ stanoŭčuju dynamiku. «U cełym ekanomika demanstruje adnaŭlenčy rost. Štomiesiac my pryrastajem dzieści kala paŭtara pracentnych punkta. Z 96 u studzieni i praktyčna 98 za pieršy kvartał. Kali kazać u cełym za sakavik miesiac, to my ekanomiku adnavili. Temp rostu 100,8%. Chto spracavaŭ dobra? Chto daŭ ekanamičny ŭkład?
Viadoma, pramysłovaść. Dobra spracavała, z tempam rostu pa ŭsim pramysłovym kompleksie 101,8, a ŭ čystym sakaviku — heta bolš za 109%. Za košt čaho pryrastaje? U pieršuju čarhu, za košt pradukcyi mašynabudavańnia, charčovaj pramysłovaści, lohkaj pramysłovaści, elektraabstalavańnia, mikraschiem i h.d. Ustojliva pracuje i sielskaja haspadarka — 103%. Tamu voś klučavyja hetyja śfiery zabiaśpiečyli nam adpaviednuju dynamiku», — skazaŭ jon.
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?4
Kamientary