U «Hrodna Azot» 600 miljonaŭ dalaraŭ źbirajucca ŭkłaści indyjcy
U Jeŭrazijskim banku raźvićcia (JEABR) paviedamili, što indyjskija kampanii źbirajucca ŭkłaści da 600 miljonaŭ dalaraŭ u biełaruskaje pradpryjemstva «Hrodna Azot».
![](http://nashaniva.com/img/w732d4webp1/photos/z_2023_04/713a64ac72170f2e6e1a35d2756fce8e-kmcj6.jpg.webp)
U paviedamleńni adznačajecca, što Indyja płanuje inviestavać paznačanuju vyšej sumu ŭ pašyreńnie vytvorčaści azotnych uhnajeńniaŭ na «Hrodna Azot». Heta robicca dla taho, kab pavialičyć abjom pastavak azotnych uhnajeńniaŭ ź Biełarusi ŭ Indyju.
Realizacyja hetaha prajekta maje spryjać raźvićciu mižnarodnaha transpartnaha kalidora (MTK) «Poŭnač — Poŭdzień». Adznačajecca, što zachodniaje adhalinavańnie dadzienaha maršrutu ciapier vykarystoŭvajecca dla ekspartu minieralnych uhnajeńniaŭ u Indyju.
Ekśpierty JEABR miarkujuć, što abjom kantejniernych pieravozak minieralnych uhnajeńniaŭ pry vykarystańni nazvanaha MTK užo da 2030 hoda moža pavialičycca ŭ 8-9 razoŭ.
Kamientary