Usich biełarusaŭ, jakija zachraśli ŭ Sudanie praz uzbrojenyja sutyknieńni, evakujavali
U Sudanie padčas vajny miascovych siłavikoŭ za ŭładu zatrymaŭsia ekipaž biełaruskaha samalota kampanii Belcanto Airlines. Pra heta stała viadoma 20 krasavika. Bort byŭ istotna paškodžany. Častku biełarusaŭ udałosia evakujavać raniej, ciapier vyvieźli astatnich.
«Usie 10 hramadzian Biełarusi, uklučajučy lotčykaŭ, jakija znachodzilisia ŭ Sudanie, vylecieli z Chartuma evakuacyjnym rejsam u Maskvu i ŭžo pierasiekli miažu Sudana», — napisała ŭ tvitary MZS.
Nahadajem, kanflikt u Sudanie razhareŭsia 15 krasavika, kali pačalisia ŭzbrojenyja sutyčki pamiž sudanskaj armijaj i Siłami chutkaha reahavańnia. U chodzie kanfliktu zahinuli niekalki dziasiatkaŭ čałaviek.
Jak paviedamlaŭ telehram-kanał «MatolkaPamažy», na spadarožnikavych zdymkach kampanii Maxar ad 17 krasavika, jakija byli zroblenyja ŭ aeraporcie Chartum, bačna, što źniščana nie mienš za 7 samalotaŭ. Pavodle źviestak Maxar, usiaho źniščana minimum 14 samalotaŭ.
Pavodle źviestak «MatolkaPamažy», adzin ź ich — całkam źniščany biełaruski samalot, jaki prylacieŭ tudy jašče 13 krasavika.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary