Ad Ukrainy na karanacyju Karła III u Łondan pajechali Alena Zialenskaja i premjer Dzianis Šmyhal
Pieršaja łedzi Ukrainy Alena Zialenskaja i premjer Dzianis Šmyhal ździajśniajuć vizit u Złučanaje Karaleŭstva Vialikabrytanii i Paŭnočnaj Irłandyi. Zialenskaja naviedała Daŭninh-stryt, 10 (rezidencyja premjer-ministra) pa zaprašeńni žonki kiraŭnika ŭrada Vialikabrytanii Akšaci Murci.
Pieršaja łedzi Ukrainy padziakavała Brytanii za padtrymku, u pryvatnaści za arhanizacyju «Jeŭrabačańnia» sumiesna z ukrainskimi partniorami, paviedamlaje «Ukrainskaja praŭda».
«Niemahčymaść praviadzieńnia krainaj-pieramožcaj hetaha konkursu pavinna stać jašče adnym napaminam śvietu ab zachopnickaj vajnie Rasii suprać Ukrainy», — padkreśliła jana.
Da sustrečy taksama dałučyŭsia premjer-ministr Vialikabrytanii Ryšy Sunak.
Zialenskaja pieradała Akšaci Murci zaprašeńnie na treci samit pieršych łedzi i džentlmienaŭ, jaki adbudziecca 6 vieraśnia ŭ Kijevie i budzie pryśviečany temie mientalnaha zdaroŭja.
U svaju čarhu, Murci padkreśliła: «My navučajem vašych vajskoŭcaŭ, ale nasamreč, heta Vy vučycie nas. My vučymsia va Ukrainy i ŭkraincaŭ, jak być takimi mocnymi i ŭstojlivymi».
Paśla sustrečy pieršaja łedzi Ukrainy i Murci razam naviedali Brytanskuju biblijateku.
Karanacyja Karła III projdzie ŭ subotu 6 maja. Na jaje zaprošana mnostva kiraŭnikoŭ krain, aproč kiraŭnikoŭ siami dziaržaŭ: Biełarusi, Rasii, Irana, Mjanmy, Vieniesueły, Siryi, Afhanistana.
Ukrainskija ŚMI nie vyklučajuć, što na cyrymonii karanacyi budzie i Uładzimir Zialenski, jaki ŭčora byŭ u Niderłandach.
Łukašenka pra adklučeńnie internetu ŭ 2020-m: Kali heta paŭtorycca, adklučym zusim25
Kamientary
https://nashaniva.com/ru/316018