Dva amierykanskija ekśpierty prapanavali svoj mirny płan dla Ukrainy. Niekatoryja jaho punkty šakujuć
Va ŭpłyvovym amierykanskim časopisie Foreign Affairs vyjšaŭ artykuł Ł. M. Chovard (Lise Morjé Howard) — prafiesarki mižnarodnych adnosin Džordžtaŭnskaha ŭniviersiteta i M. O'Chenłan (Michael E. O’Hanlon), analityka pa pytańniach biaśpieki Brukinhskaha instytuta.
Artykuł u peŭnym sensie adlustroŭvaje debaty amierykanskaj zamiežnapalityčnaj supolnaści pra mahčymaści zakančeńnia vajny i ŭmovy ŭstalavańnia tryvałaha miru paśla kanfliktu.
Asnoŭnyja tezisy artykuła.
1. Doŭhaterminovaja meta kanfliktu — uvieści Ukrainu ŭ «demakratyčny śviet i jaje ŭmacavańnie, kab jana mahła supraćstajać budučaj ahresii. Taksama jana patrabuje niejkaj zachodniaj vajskovaj dapamohi».
2. Pry hetym, jak ličać aŭtary, nielha iści śledam za žadańniem Kijeva pierakanaŭča pieramahčy Rasiju. Jany ličać, što Ukraina maje pieramahčy ŭ vajnie tak, kab Rasija mahła źmirycca z ułasnym paražeńniem. Zanadta vialikaje paražeńnie patencyjna niebiaśpiečnaje, bo prynižanaja i pastaŭlenaja na kaleni Rasija izalujecca ŭ svajoj nianaviści da Zachadu i budzie imknucca da revanšu.
3. Treba pieramahčy režym Pucina i inicyjavać pazityŭnyja pracesy ŭ Rasii, źviazanyja z raźvitańniem ź impierskimi fantazijami. Heta aznačaje, što pieramoha nie roŭnaja paražeńniu Rasii.
4. Aŭtary prapanujuć stvaryć novuju arhanizacyju pad nazvaj «Atłantyčna-Azijackaja supolnaść biaśpieki» (AASC), jakaja budzie harantavać biaśpieku i adnaŭleńnie Ukrainy. U hetuju kaalicyju mohuć uvajści jak krainy NATA, tak i achvotnyja krainy Azii. Ź jaje ŭdzielnikaŭ nielha vyklučać i Rasiju, pry ŭmovie što taja źmienicca i nie budzie bolš dziaržavaj, jakaja imkniecca pierahladzieć mižnarodny ład.
5. Niazvykłaja prapanova aŭtaraŭ: «Kantralavać i zabiaśpiečvać biesterminovuju prysutnaść zachodnich vojskaŭ na ŭkrainskaj ziamli». Hetyja vojski, jak členaŭ NATA, tak i krain, jakija nie ŭvachodziać u błok, majuć sačyć za dziejańniami rasijskaj armii i navučać Uzbrojenyja siły Ukrainy, dapamahać u demabilizacyi i sačyć za vykanańniem mirnych pahadnieńniaŭ.
6. Vajskovy kantynhient va Ukrainie moža ŭznačalić aficer nie z krainy NATA — mahčyma, ź Indyi ci inšaj niejtralnaj dziaržavy. Ale ŭ jaho składzie majuć być i vojski ZŠA, bo ništo, aproč vajskovaj prysutnaści ZŠA, nie ŭ stanie zabiaśpiečyć demakratyčnaj budučyni Ukrainy.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?6
Kamientary
Zielenskij v priedvybornych riečach obieŝał zakončiť vojnu na Donbaśsie