Źbićciom «Kinžała» ŭkraincy paćvierdzili na praktycy toje, što było hipotezaj — ZŠA
ZŠA majuć vysokuju ŭpeŭnienaść u dakładnaści zajavy Ukrainy ab vykarystańni amierykanskaj sistemy SPA Patriot dla pierachopu rasijskaj hipierhukavoj rakiety «Kinžał». Pra heta piša CNN sa spasyłkaj na infarmavanuju krynicu.
Vydańnie adznačaje, što, choć sistema Patriot paśpiachova supraćstaić balistyčnym rakietam, jaje zdolnaść spyniać hipierhukavyja rakiety pavietranaha bazavańnia da minułaha tydnia była čysta tearetyčnaj. Pierachop, jaki ažyćciaviła Ukraina, zabiaśpiečyŭ realnuju demanstracyju hetaj zdolnaści — i ŭ Pientahonie razhladajuć heta jak važnuju padzieju, skazała krynica.
Vytvorčaść hipierhukavych balistyčnych rakiet zaŭsiody była składanaj zadačaj dla Rasii, a sankcyi tolki ŭskładnili jaje.
Ale da minułaha tydnia raźlik Rasii zaklučaŭsia ŭ tym, što kali jana prymienić hipierhukavuju balistyčnuju rakietu, to ŭ što b jana ni stralała, abaviazkova patrapić, skazała krynica. Pierachop pastaviŭ hety raźlik pad sumnieŭ.
Toj fakt, što pierachop ažyćciaviŭ ukrainski ekipaž, jaki prajšoŭ padrychtoŭku ŭ Akłachomie, ale nie mieŭ amierykanskich daradcaŭ na poli boju, jašče bolš paradavaŭ Pientahon, dadała krynica, nazvaŭšy heta značnym viartańniem inviestycyj.
Pierachop taksama, vierahodna, vyklikaŭ surjoznuju niavyznačanaść dla Rasii, padymajučy pytańnie ab tym, ci maje Ukraina ŭstojlivy srodak procidziejańnia hipierhukavym balistyčnym rakietam, dadała krynica.
«Ukrainskaja praŭda» nahadvaje pieradhistoryju pytańnia:
— Vydańnie Defense Express, praanalizavaŭšy fota abłomkaŭ rakiety, vykazała zdahadku, što ŭ noč na 4 maja nad Kijevam upieršyniu paśpiachova źbili «hipierhukavy» Ch-47 «Kinžał».
Śpikier pavietranych sił USU pałkoŭnik Juryj Ihnat zajaŭlaŭ, što supraćpavietranaja abarona nie źbivała ŭ niebie nad Kijevam 4 traŭnia balistyčnuju rakietu rasijan.
6 maja kamandujučy pavietranymi siłami USU hienierał-lejtenant Mikałaj Alaščuk paćvierdziŭ, što ŭkrainskija vajskoŭcy taki źbili rasijskuju rakietu «Kinžał».
Byłaja deputatka Maryja Vasilevič sabrałasia zamuž FOTA12
Kamientary