Asabisty achoŭnik Łukašenki byŭ na paradzie z rasijskaj hieorhijeŭskaj stužkaj, a nie ź jabłynievym ćvietam
Na paradzie na Krasnaj płoščy Alaksandr Łukašenka nie pačapiŭ hieorhijeŭskaj stužki. Jon źjaviŭsia z čyrvona-zialonaj razietkaj. Ale jahony asabisty achoŭnik zrabiŭ inšy vybar.
Načalnik asabistaj achovy Alaksandra Łukašenki Alaksiej Laškievič, jaki nieadstupna supravadžaje svajho šefa ŭsiudy, byŭ na paradzie ŭ Maskvie z hieorhijeŭskaj stužkaj.
Hetaja stužka stała simvałam novaha rasijskaha impieryjalizmu, i tamu jaje zabaranili ŭ mnohich krainach Jeŭrapiejskaha sajuza i byłoha SSSR. U Biełarusi staŭleńnie da jaje było ambivalentnaje. Ułady krainy ad pačatku 2010-ch, kali Maskva pačała prasoŭvać jaje ŭ jakaści simvała na zamienu savieckamu čyrvonamu ściahu, nie pieraškadžali jaje vykarystańniu, ale i nie naviazvali źvierchu. Pik jaje papularnaści prypaŭ na 2014 hod, kali Rasija zachapiła ŭkrainskija Krym i ŭschod Danbasa. Biełaruskija ŭłady tady raspracavali svoj anałah simvała: jabłynievy ćviet na asnovie ŭ kolerach dziaržaŭnaha ściaha.
9 maja ŭ Maskvie prezidenty Uźbiekistana i Kyrhyzstana, jak i Alaksandr Łukašenka, nadzieli razietki ŭ nacyjanalnych kolerach, prezidenty Kazachstana, Turkmienistana i premjer Armienii abyšlisia biez razietak. Tolki prezident Tadžykistana Emamali Rachmon nadzieŭ na parad tak zvanuju hieorhijeŭskuju stužku.
Alaksandr Łukašenka nie prajšoŭ razam z Pucinym i inšymi haściami Kramla 300 mietraŭ pieški ŭ Alaksandraŭski sad
«Kali nie maješ dvajnika i prychodzicca asabista ŭdzielničać va ŭsim hetym». Jak internet adreahavaŭ na stan zdaroŭja Łukašenki
Łukašenka nie vystupiŭ z pramovaj na płoščy Pieramohi ŭpieršyniu za čas svajho kiravańnia
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary
- s prazdnikom vas!
ledź ustrymałasia, kab nie vyłajacca ŭsłych
voś tak žyvieš-žyvieš... vitaješsia... dumaješ - prystojnyja ludzi... a tut vuń, jak jano
ad damavoha čata adpisałasia 2 hady tamu (to bok jašče da pačatku vajny), kali na 9 maja tam pačałosia pabiedabiesije
adzin z pabiedabiesaŭ akazaŭsia moj niepasredny susied...