Trahiedyja zdaryłasia jašče 20 studzienia, ciapier Śledčy kamitet raskryŭ jaje padrabiaznaści.
20 studzienia 29-hadovaja žančyna zajaviła ŭ milicyju pra vyjaŭleńnie svajaka ŭ kvatery biez prykmiet žyćcia.
Śledčyja ŭstanavili, što śmierć mužčyny nosić kryminalny charaktar: u jaho byli rvanyja rany ad ukusaŭ žyvioł.
72-hadovy zahinuły mužčyna žyŭ u kvatery z synam i jaho žonkaj. Žančyna pierajechała da muža razam sa svaim čaćvieranohim siabram — sabakam chaski, jaki svabodna hulaŭ pa kvatery.
Ale adnaho sabaki joj akazałasia mała, i jana prytuliła dvarniaka z vulicy. Z hetym sabakam adnosiny ŭ zahinułaha nie załadzilisia: jon uvieś čas čaplaŭsia da sabaki, a toj, u svaju čarhu, brachaŭ i kidaŭsia na mužčynu. Za niekalki dzion da trahiedyi, dvarniak nie strymaŭsia: tak mocna ŭkusiŭ za ruku pažyłoha mužčynu, što jaho navat špitalizavali.
Syn choć i viedaŭ pra situacyju, ale ničoha nie rabiŭ. Sabaki praciahvali svabodna žyć u kvatery.
Piensijaniera vypisali z balnicy na niekalki dzion raniej, i sanitary padvieźli jaho da doma, dzie zdaryłasia trahiedyja. Haspadar uvajšoŭ u kvateru, dzie jaho sustreli varoža nastrojenyja sabaki.
Dapamahčy vyratavacca nichto nie zmoh — u toj momant u kvatery znachodzilisia tolki sabaki, jakija i zahryźli pažyłoha čałavieka.
U chodzie śledstva syn svaju vinu pryznaŭ častkova: škadavaŭ, što nie izalavaŭ žyvioł, ale ličyŭ, što vinavaty zahinuły baćka, bo jamu nie padabałasia znachodžańnie sabak u kvatery, i jon uvieś čas čaplaŭsia i pravakavaŭ adnaho ź ich.
Dziejańni 34-hadovaha syna kvalifikavanyja śledčym pa art.144 (pryčynieńnie śmierci pa nieaściarožnaści).
Čytajcie taksama:
U Navahrudskim rajonie bajcovy sabaka zahryz haspadara
Niezvyčajnaja historyja radziviłaŭskich paleskich spanielaŭ
Dama z sabačkami. Hałoŭny architektar Minska razvodzić skotčterjeraŭ
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka25
Kamientary