Nieviadomyja machlary adkryli iłžyvy sajt «BelSwissBank’u» na anhielskaj movie z pravanovaj vyhadna ŭkłaści svaje srodki.
Nieviadomyja machlary adkryli iłžyvy sajt «BelSwissBank'u» na anhielskaj movie z pravanovaj vyhadna ŭkłaści svaje srodki. Pra heta BYBANNER.com paviedamiŭ načalnik adździełu markietynhu «BelSwissBank'u» Pavał Archipcaŭ.
Naviednikam sajtu ad imia «BelSwissBank'u» prapanujecca raźmiaścić hrašovyja srodki ŭ zamiežnaj valucie terminam na 150 dzion pad 1,5% u dzień (540% hadavych). Dla hetaha nieabchodna zapoŭnić elektronnuju formu z paznačeńniem svaich źviestak.
Dla praŭdzivaści na sajcie raźmieščanaja infarmacyja pra bank, hrafiki z kursami valut i naviny «BelSwissBank'u», pryčym spasyłki viaduć na aficyjny sajt banku.
Da niadaŭniaha času ŭ samim banku i nie padazravali pra zdareńnie. Pavodle słovaŭ načalnika adździełu markietynhu «BelSwissBank'u» Paŭła Archipcava, apošnim časam stali pastupać zvanki z prośbaj raskazać padrabiaźniej pra pasłuhi, jakija bank nie daje. Zatym, 8 žniŭnia adzin z klijentaŭ banku paviedamiŭ pra iłžyvy sajt «BelSwissBank'u».
Paśla hetaha kiraŭnictva ZAT «BelSwissBank» źviarnułasia ŭ MUS z zajavaj pra pryciahnieńnie kiberzłačyncaŭ da kryminalnaj adkaznaści.
Jak vyśvietliłasia, iłžyvy sajt «BelSwissBank'u» byŭ zarehistravany ŭ damennaj zonie .bz, jakaja naležyć dziaržavie Beliz, i raźmieščany ŭ internecie pa adrasie http://b-s-b.sbn.bz. Fizyčna sajt mieścicca ŭ Maskvie, a damennaje imia zarehistravanaje na maskoŭskuju kampaniju GreenLine Ltd.
Aproč taho, było vyjaŭlena, što ŭ kantaktnaj infarmacyi na pseŭdasajcie «BelSwissBank'u» byli adrasy elektronnaj pošty, zarehistravanyja na paštovym servery Tut.by. Kiraŭnictva banku źviarnułasia da ŭładalnikaŭ paštovaha serveru z prośbaj zakryć hetyja paštovyja skryni, što było tut ža zroblena. Adnak, siońnia ŭ kantaktnaj infarmacyi na iłžyvym sajcie byli znoŭ paznačanyja adrasy elektronnaj pošty, zarehistravanyja na paštovym servery Tut.by, tolki krychu źmienienyja.
Pavodle słoŭ P.Archipcava, zdareńnie nijak nie adabjecca na dziejnaści «Biełśvisbanku» i nie paŭpłyvaje na jahony imidž.
Pavodle BYBANNER.com
-
Słonimskaja balnica vybačyłasia za mašynu chutkaj dapamohi, što pryjechała na vyklik da invalida
-
U Biełarusi buduć štrafavać za prapahandu homaseksualnych adnosin, biaździetnaści i źmieny połu
-
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?16
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary