Rasijskija vajskovyja ešałony prybyvajuć u Biełaruś prosta z zony bajavych dziejańniaŭ — Supolnaść čyhunačnikaŭ
Na hetym tydni adnaviłasia pieramiaščeńnie vajskovych ešałonaŭ Uzbrojenych sił Rasii z vajskovaj technikaj i asabovym składam pa terytoryi Biełarusi. Pry hetym zafiksavana ich pierakidańnie prosta z zony viadzieńnia bajavych dziejańniaŭ na terytoryi Ukrainy ŭ Biełaruś i ŭ zvarotnym kirunku, paviedamlaje «Supolnaść čyhunačnikaŭ Biełarusi».
Niezaležnyja čyhunačniki pišuć pra dva zaŭvažanyja imi ešałony na stancyi Zasłonava ŭ Lepielskim rajonie.
Pieršy, vajskovy ešałon № 961, vyjšaŭ 11 maja sa stancyi Vałnavacha ŭ Danieckaj vobłaści na stancyju Zasłonava.
U jaho składzie — 45 vahonaŭ, ź ich 4 pasažyrskija (u ich moža źmiaścicca kala 200 čałaviek), 2 krytyja (z ryštunkam), 39 vahonaŭ-płatformaŭ (z pahružanaj kołavaj i husieničnaj vajskovaj technikaj). Prybyć na stancyju pryznačeńnia hety ešałon pavinien byŭ 18 maja.
Druhi ešałon (№ 962) vyjšaŭ 17 maja sa stancyi Zasłonava na stancyju Hukava Rastoŭskaj vobłaści.
U jaho składzie — 40 vahonaŭ, ź jakich 3 pasažyrskija (kala 150 čałaviek); 2 krytyja (z ryštunkam); 35 vahonaŭ-płatformaŭ (z pahružanaj kołavaj i husieničnaj vajskovaj technikaj). Hety ciahnik mierkavana maje prybyć na stancyju pryznačeńnia 22 maja. Tam paśla źmieny ciahnikovaj bryhady ešałon adpravicca dalej na stancyju Čyrvonaja Mahiła na Danieččynie i dalej u bok horada Debalcava.
Akramia vajskovych ešałonaŭ, adpraŭlenych sa stancyi Zasłonava na stancyju Hukava, 14 maja ź Biełarusi adpraviŭsia jak minimum adzin ešałon sa stancyi Pałonka ŭ Baranavickim rajonie.
U składzie hetaha ciahnika — 45 vahonaŭ, siarod jakich 3 pasažyrskija vahony, 2 krytyja vahony, 40 vahonaŭ-płatformaŭ z vajskovaj technikaj i navučanym kantynhientam Uzbrojenych sił RF.
Taksama na stancyju Pałonka prybyło jak minimum 2 ešałony z Rasii, adzin ź jakich — 15 maja (40 vahonaŭ, ź ich 4 pasažyrskija, 1 kryty, 35 vahonaŭ-płatformaŭ), druhi — 16 maja (46 vahonaŭ, ź ich 4 pasažyrskija, 2 krytyja, 40 vahonaŭ-płatformaŭ).
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary