«My haspadarlivyja». Łukašenka supakojvaŭ rasijan, što z rasijskaj jadziernaj zbrojaj u Biełarusi ničoha nie zdarycca
Takija abiacańni prahučali praź niekalki miesiacaŭ paśla dyviersii ŭ Mačuliščach, kali byŭ paškodžany kaštoŭny rasijski samalot A-50.
Siońnia ŭ Minsku ministr abarony Biełarusi Viktar Chrenin i ministr abarony Rasii Siarhiej Šajhu padpisali dakumienty, jakija tyčacca raźmiaščeńnia niestratehičnaj jadziernaj zbroi na terytoryi Biełarusi. Šajhu pastaviŭ kropku ŭ pytańni — jadziernaj zbrojaj budzie kiravać tolki Rasija.
Paźniej Łukašenka supakoiŭ rasijskich žurnalistaŭ nakont raźmiaščeńnia jadziernaj zbroi.
«Vy viedajecie, što my ludzi punktualnyja, akuratnyja, haspadarlivyja, jak vy kažacie, tamu vy za jadziernuju zbroju nie chvalujciesia, my ž niasiom za heta adkaznaść», — skazaŭ Alaksandr Łukašenka rasijskim žurnalistam u Maskvie, dzie prachodziŭ samit JEAES.
Nahadajem, 26 lutaha na aeradromie ŭ Mačuliščach byŭ paškodžany vielmi kaštoŭny rasijski samalot dalniaj raźviedki DRŁV A-50. Usiaho takich samalotaŭ u Rasii, sapraŭdnych i niaspraŭnych, dzieviać. Jon vykarystoŭvaŭsia dla naviadzieńnia rasijskich rakiet na celi va Ukrainie. Paśla samalot zmahli padniać u pavietra, ale da svaich zadač, jak vyhladaje, jon akazaŭsia niazdolnym i byŭ adpraŭleny na ramont u rasijski Tahanroh.
Siońnia FSB taksama raskazała pra dyviersantaŭ, jakija prybyli ŭ Rasiju praź Biełaruś i sprabavali padarvać linii elektrapieradač Leninhradskaj i Kalininskaj atamnych elektrastancyj. Jak śćviardžała FSB, dyviersijnaja hrupa zajechała z Ukrainy tranzitam praz Polšču i Biełaruś.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA11
Kamientary