«Ludzi hrukali, ale nichto nie adčyniŭ». Žychar Kijeva raspavioŭ, jak u vyniku siońniašniaha abstrełu zahinuła jaho žonka
Akramia žonki Jarasłava, zahinuli jašče dva čałavieki, u tym liku dzicia. Usie jany ŭ toj čas nakiroŭvalisia ŭ schovišča.
Žychar Kijeva Jarasłaŭ, čyja žonka zahinuła padčas ataki rasijan 1 červienia, raskazaŭ, što ludzi prybiehli nočču da schovišča, ale im nichto nie adčyniŭ, piša «Ukrainskaja praŭda».
«Była tryvoha, ludzi biehli ŭ schovišča. Schovišča prosta nie adčynili i ŭsio. Ludzi hrukali, vielmi doŭha hrukali. I nichto. Byli tam žančyny, dzieci i nichto nie adčyniŭ… u toj momant prylacieła».
Žonka Jarasłava zahinuła na vulicy ŭ Dziaśnianskim rajonie Kijeva, kali ź dziciem biehła ŭ schovišča. Dzicia zastałosia žyvym.
Sam Jarasłaŭ paviedamiŭ, što byŭ pobač ź siamjoj, ale kali jany nie zmahli dahrukacca da schovišča, to jon pabieh na druhi bok paklikać, kab adčynili.
Bolš za dziesiać čałaviek atrymali ranieńni roznaj stupieni ciažkaści.
Ranicaj Hienštab USU paviedamiŭ, što ŭnačy vorah iznoŭ užyŭ rakiety apieratyŭna-taktyčnaha rakietnaha kompleksu «Iskander» pa abjektach hramadzianskaj i krytyčnaj infrastruktury stalicy i vobłaści. Pavodle papiarednich źviestak, siłami i srodkami Pavietranych sił 10 z 10 rakiet było źniščana.
U vyniku padzieńnia abłomkaŭ rasijskich rakiet u Kijevie zahinuli 3 čałavieki, siarod jakich dzicia.
Ludi stukali, ale ukrittia nie vidkrili − čołovik rozpoviv pro zahibiel družini u Kijevi https://t.co/Zj8IlRnfR1 pic.twitter.com/qaGMzZMP5m
— Ukrajinśka pravda ✌️ (@ukrpravda_news) June 1, 2023
Ciapier čytajuć
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni14
Kamientary