«Heta adznaka režymu Łukašenki mižnarodnaj supolnaściu». Cichanoŭskaja prakamientavała hałasavańnie ŭ Radu Biaśpieki AAN
Biełaruś nie vybrali niepastajannym siabram Rady Biaśpieki AAN na 2024-2025 hady. Biełaruś atrymała 38 hałasoŭ, a Słavienija, jakaja taksama pretendavała na hetaje miesca, — 153. Lidarka demakratyčnych sił prakamientavała hetuju padzieju.
«Siońnia Hienieralnaja Asambleja AAN skazała rašučaje «nie» režymu Łukašenki na vybarach u Radu Biaśpieki AAN. Tolki 38 krainaŭ addali jamu svaje hałasy, tym časam jak Słavienija atrymała pierakanaŭčyja 153 hałasy.
Upieršyniu ad pačatku kryzisu paśla vybaraŭ 2020 hoda ŭsie krainy śvietu mahli vykazacca pra svajo staŭleńnie da niezakonnaha režymu. 153 dziaržavy prahałasavali suprać dyktatury i biezzakońnia ŭ Biełarusi.
Heta adznaka mižnarodnaj supolnaści tamu, jak režym Łukašenki parušaje pravy čałavieka, mižnarodnaje prava, raspačynaje ŭzbrojenuju ahresiju suprać Ukrainy i raźmiaščaje čužuju jadziernuju zbroju na terytoryi našaj krainy. Nastupstvy hetych dziejańniaŭ adčuvajuć biełarusy, našy susiedzi, u hetaha jość škodny efiekt i dla hłabalnych intaresaŭ.
Heta adznaka zdolnaści režymu Łukašenki być adkaznym mižnarodnym partnioram dla inšych krainaŭ śvietu — i jana nie zadavalniaje.
Biełaruś abaviazkova budzie abranaja ŭ Radu Biaśpieki AAN, kali my vyzvalim jaje ad dyktatury, niaprošanaj vajskovaj prysutnaści i zaležnaści ad čužych intaresaŭ dy pabudujem demakratyčnuju krainu», — pryvodzić słovy Cichanoŭskaj jaje pres-słužba.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary