U Vilni siońnia prachodzić pieršy Pink Soup Fest («Ružovy supavy fiestyval»). Jon pryśviečany chaładniku — stravie, adnolkava papularnaj jak u biełarusaŭ, tak i ŭ litoŭcaŭ. Pa-litoŭsku jon nazyvacca šaltibarščiai (chałodny boršč).
Śviatočnyja hulańni arhanizavanyja maštabna. Kala 100 partnioraŭ fiestyvalu prapanujuć ekskluziŭnyja mierapryjemstvy i zabavy, tym ci inšym čynam źviazanyja z papularnaj stravaj.
Na mierapryjemstvie možna sustreć samyja roznyja varyjacyi chaładniku i inšych straŭ, u jakich pieraplatajucca ružovy koler, smak chaładniku i letni nastroj.
Tematyka chaładniku ŭklučaje ŭ siabie nie tolki supy. Naviedvalnikaŭ fiestyvalu čakajuć roznyja desierty, źviazanyja z tradycyjnym litoŭskim supam.
Na hałoŭnaj placoŭcy mierapryjemstva sotni haradžan, apranutyja ŭ ružovaje, spuskajucca z horki pa pienie ŭ vialikuju štučnuju čašu.
A raznastajnyja desierty, napoi i zabavy, natchnionyja chaładnikom, čakajuć haściej u bolš čym 30 kaviarniach i restaranach horada.
Čakajecca, što ŭ budučyni heta mierapryjemstva stanie štohadovaj tradycyjaj, uciahvajučy ŭ vichor zabaŭ uvieś horad.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?11
Kamientary
znakomyje vsie lica
Laba diena
dorohije kommientatory pod etoj tiemoj - nashaniva.com/318546