U Biełarusi ŭ KaAP budzie dadadzieny artykuł, pavodle jakoha IP, jaki spyniŭ svaju dziejnaść u suviazi sa stvareńniem kamiercyjnaj arhanizacyi, budzie nieści administracyjnuju adkaznaść za raniej učynienyja ŭ jakaści IP parušeńni. Heta praduhledžvaje zakonaprajekt «Ab źmianieńni zakonaŭ pa pytańniach pradprymalnickaj dziejnaści», jaki padrychtavany ŭ parłamiencie da druhoha čytańnia, piša Office Life.
U prajekcie zakona, u pryvatnaści, havorycca, što, kali IP, uklučany ŭ płan vybaračnych pravierak, paśpieje pierarehistravacca ŭ jurydyčnuju asobu da taho, jak jaho pačnuć praviarać, kantralory buduć mieć prava pryznačyć i pravieści vybaračnuju pravierku navaśpiečanaj arhanizacyi. Pry hetym navat nie spatrebicca ŭnosić źmieny ŭ płan vybaračnych pravierak.
Taksama pravierki, manitorynh i inšyja kantrolnyja mierapryjemstvy, pačatyja ŭ dačynieńni da IP i nie skončanyja na momant stvareńnia im kamiercyjnaj arhanizacyi, buduć pravodzicca da ich zakančeńnia ŭ dačynieńni da hetaj arhanizacyi.
U toj ža čas za parušeńni, vyjaŭlenyja pa vynikach pravierki, miery administracyjnaj adkaznaści da firmy i jaje kiraŭnikoŭ nie buduć prymianiacca, kali parušeńni dapuščanyja ŭpieršyniu abo ŭ pieryjad da zakančeńnia dvuch hadoŭ z dnia dziaržrehistracyi kamiercyjnaj arhanizacyi, a taksama kali ŭ sastavie parušeńnia adsutničajuć jurydyčna značnyja abstaviny, praduhledžanyja KaAP, zahadzia viadomyja parušalniku, abo parušeńni likvidavanyja ŭ adpaviednaści z patrabavańniami kantraloraŭ pa vynikach pravierki.
Taksama zakonaprajekt dapoŭnieny normaj ab tym, što pieralik dazvolenych IP i samazaniatych vidaŭ dziejnaści dapuskajecca źmianiać nie čaściej za adzin raz u dva hady. Hetyja źmieny buduć uvodzicca ŭ dziejańnie nie raniej, čym praz šeść miesiacaŭ z dnia aficyjnaha apublikavańnia adpaviednaha narmatyŭnaha akta, za vyklučeńniem vypadkaŭ, kali hetyja źmieny nakiravanyja na palapšeńnie pravavoha stanovišča subjektaŭ pradprymalnickaj dziejnaści, zabieśpiačeńnie ekanamičnaj biaśpieki i (abo) realizacyju mižnarodnych dahavoraŭ i inšych mižnarodnych pravavych aktaŭ. Takim čynam, mahčymaść apieratyŭnaha vypraŭleńnia pieralikaŭ budzie abmiežavanaja.
Kamientary