Sachaščyk pakazaŭ bajcoŭ svajoj roty i źviarnuŭsia da biełaruskich i rasijskich vajskoŭcaŭ
Pradstaŭnik pa abaronie i nacyjanalnaj biaśpiecy Abjadnanaha pierachodnaha kabinieta Valeryj Sachaščyk apublikavaŭ post z fota vajaroŭ 1-j asobnaj desantna-šturmavoj roty, jakaja ciapier vajuje va Ukrainie pad jahonym kamandavańniem.
Va Ukrainie rota, pavodle Sachaščyka, «atrymlivaje bajavy dośvied, nieabchodny dla stvareńnia novaha, vysokatechnałahičnaha i vysokaefiektyŭnaha biełaruskaha vojska».
Pra stvareńnie hetaha padraździaleńnia i pra toje, što jano dziejničaje ŭžo dva miesiacy, Valeryj Sachaščyk paviedamlaŭ raniej.
U siońniašnim paście taksama jość dva zvaroty — da biełaruskich siłavikoŭ (užo nie pieršy raz) i da rasijskich vajskoŭcaŭ. Biełarusam Sachaščyk havoryć:
«My zaŭsiody byli adzinym narodam i takim zastajomsia. Złačynnaja hrupoŭka, jakaja niezakonna zachapiła i ŭtrymlivaje ŭładu ŭ Respublicy Biełaruś, sprabuje raskałoć nas i padbuchtorvaje nas adno suprać adnaho, ale nam niama čaho dzialić. My, vajary, pryniali prysiahu, kab zabiaśpiečyć biaśpieku našaha naroda, abaraniać jaho ad vorahaŭ, jakija pralivajuć kroŭ biełarusaŭ i pazbaŭlajuć ich voli. Davajcie pamiatać pra našu prysiahu i vykonvać svoj vajskovy abaviazak!»
Rasijan, jakija ciapier atabarylisia ŭ Biełarusi, Sachaščyk papiaredžvaje:
«Nichto nie klikaŭ vas na našu Radzimu. Lubyja damoŭlenaści z užo daŭno niezakonnaj biełaruskaj uładaj nie kaštujuć navat toj papiery, na jakoj jany napisanyja. Vy takija ž akupanty, jak i vašy suajčyńniki va Ukrainie. Nieŭzabavie my prapanujem vam pakinuć terytoryju Respubliki Biełaruś i viarnucca ŭ Rasiju. I kali hety momant nadydzie, u vašych intaresach budzie zrabić heta dobraachvotna».
Dzianis «Kit» Procharaŭ — pra adnosiny da Sachaščyka, Ofisa Cichanoŭskaj i papaŭnieńnie pałka Kalinoŭskaha
Kalinoviec «Kuś»: Luby dziejač biełaruskaj revalucyi pierastanie dla mianie isnavać, kali voźmie ŭdzieł u handli palitviaźniami ŭ abmien na źniaćcie sankcyj
Ždanaŭ: Kali połk Kalinoŭskaha vyrašyć zajści ŭ Biełaruś, Ukraina jamu dapamoža
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary
abažaju ivo