Lehienda pra asiłka Mienieska budzie vykarystana pry stvareńni kompleksa «Minskaje zamčyšča».
Lehienda pra asiłka Mienieska — zasnavalnika horada — budzie vykarystana pry stvareńni kompleksa «Minskaje zamčyšča».
Pra heta raspavioŭ namieśnik načalnika architekturnaj majsterni UP «Minskprajekt» Siarhiej Bahłasaŭ. Lehienda śćviardžaje, što vołat Mieniesk u staradaŭnija časy zbudavaŭ most z młynom na Śvisłačy. Pa načach Mieniesk pieramiaščaŭ pa race svoj młyn i źbiraŭ družynu, ź jakoj potym i zasnavaŭ horad, nazvany ŭ jaho honar Miensk (Mieniesk).
Historyki vyśvietlili, što ŭ XI‑XII stahodździach sapraŭdy byli raspaŭsiudžanyja takija młyny: dva čaŭny złučalisia pamiž saboj draŭlanaj kanstrukcyjaj z kołam i pryvadami da žornaŭ. Heta zbudavańnie macavałasia da mosta abo stavilisia na jakary, a vada kruciła koła i žorny. Pa miery nieabchodnaści młyn, adłučyŭšy ad mosta, pierapraŭlali ŭ inšaje miesca, a na zimu ŭ zatoku.
Staličnyja architektary vyrašyli vykarystać hety vobraz u svajoj pracy: ad Minskaha zamčyšča ŭ pačatku praśpiekta Pieramožcaŭ budzie pierakinuty piešachodny most praź Śvisłač da Trajeckaha pradmieścia.
Składovaj častkaj mosta stanie ekspanat «płyvučy vadziany młyn», naviejany lehiendaj ab uźniknieńni Minska. Na pamoście pamiž ładździami miarkujecca ŭstalavać skulpturnuju kampazicyju, jaki pakazvaje vołata Mienieska, jaki prapanuje haradžanam miašok muki, i družyńnika z kapjom.
Kamientary