Ci prylacieŭ Jaŭhien Pryhožyn u Biełaruś? U kožnym razie nie svaim samalotam
Pra toje, ci pryjechaŭ u Biełaruś kiraŭnik PVK «Vahnier», sprabavali daviedacca pa roznych kanałach. Ale pakul što dakładnaj infarmacyi pra jaho prybyćcio niama, usio abmiažoŭvajecca čutkami.
Rasijskaje vydańnie «Fontanka» 26 červienia patelefanavała ŭ pres-słužbu Łukašenki, ale tam nie zmahli adkazać, ci prybyŭ užo Jaŭhien Pryhožyn u Biełaruś. Supracoŭnik pres-słužby zajaviŭ, što «niama takoj infarmacyi», i prapanavaŭ adpravić zapyt.
Rasijski telehram-kanał Brief paviedamiŭ siońnia dniom, što Pryhožyna nibyta bačyli ŭ minskim hateli Green City na Kamiennaj Horcy. Adnak paćviardžeńniaŭ hetaj infarmacyi niama. Žurnalistam RTVI, jakija patelefanavali ŭ hatel, skazali, što nie vydajuć infarmacyju pra haściej, heta kanfidencyjnaja infarmacyja.
Manitorynhavaja hrupa «Biełaruski Hajun» pry hetym śćviardžaje, što abodva samaloty Pryhožyna — u Rasii. Pieršy biznes-džet BAe 125-800B (RA-02731) z 22 červienia znachodzicca ŭ Maskvie. Druhi, asnoŭny samalot Embraer Legacy 600 (RA-02795), učora z Sankt-Pieciarburha lotaŭ na poŭdzień Rasii i pozna ŭviečary viarnuŭsia ŭ Sankt-Pieciarburh. Takim čynam, jak minimum na svaich samalotach Jaŭhien Pryhožyn u Biełaruś nie prylataŭ.
U takim razie jon moh ci prylacieć z Rasii rehularnym rejsam albo na samalotach VKS Rasii ŭ Mačuliščy, ci pryjechać na mašynie. Paćviardžeńnia ni dla jakoha z hetych šlachoŭ niama.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary