Biełaruskaja mastačka Ciemra pakazała svaju novuju pracu — ciomny ručnik, jaki simvalizuje siłu i žyvatvornuju enierhiju biełarusaŭ, jakija znachodziacca za kratami, piša CityDog.io.
Vialiki ciomny ručnik pamierami 375x37 sm, pa słovach mastački, niasie ŭ sabie hłybokaje simvaličnaje značeńnie.
Na ručniku vyšyty mahutny słavianski simvał adradžeńnia, forma hetaha simvała składajecca z adhalinavanych čyrvonych prožyłkaŭ.
Jak adznačaje sama Ciemra, hetyja haliny simvalizujuć «siłu i žyvatvornuju enierhiju, ułaścivyja hodnym asobam, jakija mohuć damahčysia adradžeńnia navat u samych składanych turemnych abstavinach». Tamu hety simvał schavany za čornymi linijami kalučaha drotu z šypami.
«Ručnik słužyć napaminam pra toje, što my pieražyvajem svaju historyju, raskazvajem pra svoj dośvied i ŭnosim svoj układ u kalektyŭnaje apaviadańnie pra našu stojkaść, tryumf i nadzieju», — napisana ŭ instahramie Ciemry.
Ciemra — biełaruskaja mastačka z Hrodna, jakaja ciapier žyvie ŭ Varšavie. Naradziłasia ŭ 1990 hodzie. Bolšaja častka jaje tvorčaści adlustroŭvaje biesstarońni, ciomny bok čałaviečaj sutnaści i źviazanaja z aktualnymi padziejami, što traŭmujuć hramadstva — adhetul i tvorčy psieŭdanim.
Ciapier čytajuć
Historyja aryštu mazyrskaj błohierki, jakaja niekalki hadoŭ chavałasia ad siłavikoŭ, akazałasia dramatyčnaj3
Kamientary