Palityk Andrej Dźmitryjeŭ, lidar likvidavanaj arhanizacyi «Havary praŭdu» i kandydat u prezidenty na vybarach 2020 hoda, pieraviedzieny ź SIZA-1 Minska ŭ kałoniju, piša «Lusterka».
Heta adbyłosia 28 červienia. 23 červienia Minski haradski sud adchiliŭ apielacyjnuju skarhu palityka i pakinuŭ jaho prysud u sile.
Dźmitryjeva nakiravali ŭ papraŭčuju kałoniju №3 u pasiołku Vićba pad Viciebskam.
U hetaj kałonii ciapier utrymlivajucca 104 čałavieki, pryznanyja palitviaźniami. Siarod ich — juryst štaba Babaryki Maksim Znak, pravaabaronca Leanid Sudalenka, eks-dyrektar BiełaPAN Dźmitryj Navažyłaŭ, eks-śledčy Jaŭhien Juškievič, aktyvist Maksim Viniarski, eks-pamočnik prakurora Jaŭhien Babak.
Andreja Dźmitryjeva 6 krasavika 2023 hoda asudzili da 1,5 hoda pazbaŭleńnia voli pavodle č. 1 art. 342 KK — «Aktyŭny ŭdzieł u hrupavych dziejańniach, jakija hruba parušajuć hramadski paradak».
Jaho zatrymali 11 studzienia. Palityku pastavili ŭ vinu ŭdzieł u akcyjach pratestu ŭ žniŭni i vieraśni 2020 hoda ŭ Minsku.
U pačatku maja ŭ Andreja Dźmitryjeva pamierła maci, jakaja ciažka pieražyvała źniavoleńnie syna. Na pachavańnie jaho nie adpuścili.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam7
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary