Spravu ab strašnym DTZ z maršrutkaj pad Smalavičami skiravali ŭ sud
Historyja z rezanansnym DTZ pad Smalavičami, kali sutyknulisia samazvał MAZ i maršrutka, napoŭnienaja ludźmi, nabližajecca da zaviaršeńnia. Kryminalnuju spravu pa incydencie, u vyniku jakoha zahinuli 12 čałaviek, skiravali ŭ Minski abłasny sud.
Hienprakuratura abvinavačvaje kiroŭcu samazvała ŭ parušeńni PDR i pravił ekspłuatacyi transpartnaha srodku, što pryviało da śmierci dvuch i bolš čałaviek (č. 3 art. 317 KK).
Jak śćviardžaje abvinavačvańnie, kiroŭca viedaŭ pra niaspraŭnaść svajho MAZa, ale pry hetym usio adno vyrašyŭ pieravozić na im hruz.
Ciapier kiroŭca znachodzicca pad chatnim aryštam, svaju vinu jon pryznaŭ. Da suda mieru strymańnia jamu źmianiać nie buduć.
DTZ zdaryłasia 20 lutaha na darozie Smalavičy — Šack. Kiroŭca MAZa straciŭ kiravańnie i vyjechaŭ na sustrečnuju pałasu, dzie sutyknuŭsia z maršrutkaj. U vyniku zahinuli 12 čałaviek: pasažyry i kiroŭca mikraaŭtobusa Citroen. Jašče siem čałaviek atrymali ciažkija cialesnyja paškodžańni.
Kamientary