Ministerstva antymanapolnaha rehulavańnia i handlu pryniało pastanovu ab pavyšeńni taryfaŭ na čyhunačnyja pieravozki pasažyraŭ i bahažu va ŭnutryrespublikanskich znosinach.
Taryfy na pieravozki pasažyraŭ čyhunačnym transpartam ahulnaha karystańnia na haradskich linijach pavialičany
- na 29 kapiejek u miežach adnaho taryfnaha pojasa (naprykład, pa kirunku Minsk — Haradzišča);
- na 37 kapiejek u miežach dvuch taryfnych pajasoŭ (naprykład, pa kirunku Minsk — Čyrvony Ściah).
Pamier pavieličeńnia taryfaŭ na pieravozki pasažyraŭ čyhunkaj na rehijanalnych linijach, mižrehijanalnych linijach zaležyć ad adlehłaści, kłasa linij (ekanom abo biznes), typu sastavu i typu vahona, jak paviedamili ŭ MARH.
Naprykład, prajezd mižrehijanalnymi linijami biznes-kłasa Minsk — Homiel padaražeje na 3,85 rubla (vahon 2-ha kłasa), na 5,32 rubla (vahon 1-ha kłasa).
MARH paviedamlaje, što rašeńnie ab pierahladzie taryfaŭ pryniata ŭ metach padtrymańnia ŭzroŭniu akupnaści pieravozak pasažyraŭ.
Ciapier, pavodle MARH, uzrovień kampiensacyi nasielnictvam zatrat na ŭnutryrespublikanskija pasažyrskija pieravozki čyhunačnym transpartam nie dasiahaje 19 pracentaŭ. Biudžetnaje subsidziravańnie čyhunačnych pieravozak pasažyraŭ nie ažyćciaŭlajecca.
Padvyšeńnie taryfaŭ na pieravozku pasažyraŭ čyhunačnym transpartam ahulnaha karystańnia apošni raz było ŭ krasaviku 2022 hoda.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla13
Kamientary
Odin zabrał v sieḿju vsiu vyručku za tranzit, vtoryje obieśpiečili žitielej RB novymi avtobusami, trolejbusami, katierami, baržami, stancijami mietro, štadlerami, vźlotnymi połosami, podvozom hruzov na AES, razduvanijem dołžnostiej dla dočiek, vnučiek i žučiek...