Na pasolstvie Biełarusi ŭ Niderłandach napisali «Łuka teraryst» i raźbili šyby
Napad na dyppradstaŭnictva ŭ Haazie adbyŭsia siońnia ŭnačy.
U budynku na vulicy Groot Hertoginnelaan raźbita try šyby i źjavilisia nadpisy, siarod jakich čornym koleram napisana «Łuka teraryst», jak paviedamlaje niderłandskaje vydańnie Omroep West.
Akramia taho, nieviadomyja napisali pa-biełarusku čyrvonym koleram «Žyvie Biełaruś!» i «Žyvie viečna!» — słohany biełaruskaha vyzvalenčaha ruchu.
Niderłandskija vydańni tłumačać, što «Łukoj» u narodzie nazyvajuć kiraŭnika Biełarusi.
Paviedamlajecca, što pa padazreńni va ŭčynieńni hetaha akta vandalizmu zatrymany 31-hadovy mužčyna.
Deputat niderłandskaha parłamienta Siord Siordsma asudziŭ hety napad na pasolstva. «Niavažna, nakolki vy aburanyja i spraviadliva aburanyja režymami Biełarusi, Rasii dy inšych krain, nie napadajcie na ich pasolstvy ci rezidencyi, — napisaŭ jon u tvitary. — Heta ničoha nie daje, zatoje paharšaje biaśpieku našych dypłamataŭ u hetych krainach».
Niderłandskija vydańni nahadvajuć, što Alaksandr Łukašenka — blizki sajuźnik Uładzimira Pucina, u tym liku ŭ kryvavaj vajnie va Ukrainie, na jakoj zahinuli dziasiatki tysiač ludziej.
U samoj Biełarusi praciahvajucca masavyja palityčnyja represii. Jany pačalisia z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinuty navat samyja bazavyja normy zakonnaści i marali. Dziasiatki tysiač ludziej vymušanyja byli pakinuć krainu, ratujučysia ad represij.
«Naša Niva» — bastyjon biełaruščyny
PADTRYMAĆDvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary