Heta jeŭrapiejskaja kraina zabaronić u škołach karystacca mabilnymi telefonami
Z 1 studzienia nastupnaha hoda ŭ Niderłandach bolš nie buduć dazvolenyja mabilnyja telefony i, naprykład, płanšety abo razumnyja hadzińniki, bo jany adciahvajuć uvahu i paharšajuć paśpiachovaść navučencaŭ.
Pra heta heta paviedamiŭ urad krainy sa spasyłkaj na tłumačeńnie ministra adukacyi Robierta Dejkhraafa.
Ich možna vykarystoŭvać tolki ŭ vypadku, kali mabilnyja telefony nieabchodnyja dla ŭroka, naprykład na ŭroku pa ličbavych navykach. Sami škoły pavinny ŭzhadnić dakładnyja praviły z nastaŭnikami, baćkami i vučniami, kab kožny ŭ škole dakładna viedaŭ, što dazvolena, a što nie.
Škoły mohuć pryniać rašeńnie pra poŭnaje vyklučeńnie mabilnych telefonaŭ z prahramy.
Navučencam, jakija zaležać ad svajho telefona, naprykład, pa miedycynskich pakazańniach abo praź invalidnaść, budzie dazvolena im karystacca. Dla śpiecyjalnaj adukacyi buduć raspracavanyja adaptavanyja pahadnieńni.
«Niahledziačy na toje, što mabilnyja telefony amal nieparyŭna źviazanyja z našym žyćciom, im nie miesca ŭ kłasie. Vučni pavinny ŭmieć kancentravacca, i im pavinna być dadzienaja ŭsia prastora dla dobraj vučoby. Mabilnyja telefony parušajuć heta, jak my viedajem z navukovych daśledavańniaŭ, z usimi nastupstvami. My pavinny abaranić vučniaŭ ad hetaha», — zaznačyŭ Robiert Dejkhraaf.
U nastupnyja miesiacy zacikaŭlenyja viedamstvy praciahnuć raspracoŭku praviłaŭ.
Kamientary