Chočacie pabačyć, jak žyli navukoŭcy za savieckim časam? Pradajecca niekranutaja dača — usio jak pry haspadaru
U sadovym tavarystvie «Navuka-1978», dzie ŭčastki davali intelektualnaj elicie, pradajecca cikavaja dača. Heta nie draŭlanaja chatka, a trochpaviarchovaja kvatera ŭ cahlanym taŭnchausie. A jašče tam zachavałasia atmaśfiera taho, jak byŭ abstalavany dačny pobyt vučonych u BSSR, jak raskazvaje Realt.by.
![](http://nashaniva.com/img/w732d4webp1/photos/z_2023_07/a7_98-t2pb1.jpg.webp)
Sadovaje tavarystva «Navuka-1978» znachodzicca ŭ prestyžnym miescy — nasuprać Raŭbič, prosta na bierazie Dubraŭskaha vadaschovišča.
Dačy tut pryznačalisia dla supracoŭnikaŭ Akademii navuk. I ŭjaŭlajuć jany saboj nie zvykłyja dla SSSR zborna-ščytavyja ci draŭlanyja chatki, a sapraŭdnyja cahlanyja taŭnchausy savieckaha ŭzoru na dźvie kvatery.
![](http://nashaniva.com/img/w732d4webp1/photos/z_2023_07/a1_25edc8-mr82h.jpg.webp)
Adnu takuju kvateru vystavili na prodaž. Jaje ahulnaja płošča — 90 kvadratnych mietraŭ.
Na pieršym uzroŭni raźmiaščajecca haraž i słužbovyja pamiaškańni.
Na druhim (pieršym žyłym) — vieranda, kuchnia i pakoj. Tam zachavałasia amal niekranutaja atmaśfiera dačy intelektualnaj elity BSSR. Źviarnicie ŭvahu na šykoŭny kamin i vintažnuju meblu 70-ch.
![](http://nashaniva.com/img/w732d4webp1/photos/z_2023_07/a4_eae6d4-1zlau.jpg.webp)
![](http://nashaniva.com/img/w732d4webp1/photos/z_2023_07/a5_8af772-j4o82.jpg.webp)
![](http://nashaniva.com/img/w732d4webp1/photos/z_2023_07/a6_449245-tvwfw.jpg.webp)
![](http://nashaniva.com/img/w732d4webp1/photos/z_2023_07/a14_43-6vanu.jpg.webp)
Na trecim uzroŭni — dva pakoi i łodžyja.
![](http://nashaniva.com/img/w732d4webp1/photos/z_2023_07/a9_73-q37nx.jpg.webp)
![](http://nashaniva.com/img/w732d4webp1/photos/z_2023_07/a10_64-6kgp8.jpg.webp)
![](http://nashaniva.com/img/w732d4webp1/photos/z_2023_07/a11_73-gn84d.jpg.webp)
U kvatery centralny vodapravod (z haračaj vadoj), centralnaja kanalizacyja, ale voś aciapleńnie — piačnoje.
Da dačy prykładajecca ŭčastak u 5 sotak z altankaj. Da vadaschovišča — chvilin piać pieššu.
![](http://nashaniva.com/img/w732d4webp1/photos/z_2023_07/a24_06-lh036.jpg.webp)
Za daču prosiać 100 tysiač dalaraŭ.
Kamientary