Z 1 kastryčnika biaspošlinnyja limity ŭvozu tavaraŭ skarociacca ŭdvaja
Z 1 kastryčnika ŭ Biełarusi pierahledziać biazmytnyja limity na ŭvoz tavaraŭ praz naziemnyja miežy. Jany buduć źnižanyja da 500 jeŭra i 25 kiłahramaŭ, jak paviedamlaje Dziaržaŭny mytny kamitet.
Ciapierašnija limity — da 1000 jeŭra i da 31 kiłahrama — uviali na ŭzroŭni JEAES u krasaviku 2022 hoda i dvojčy praciahvali. Da hetaha ŭ Biełarusi dziejničali abmiežavańni na ŭzroŭni 500 jeŭra i 25 kiłahramaŭ.
Kali pieravysić limity, to treba budzie zapłacić 30% ad koštu, ale nie mienš jak čatyry jeŭra za adzin kiłahram pieravyšeńnia.
Što tyčycca pravozu cyharet, to jak i ciapier, tak i ŭ krasaviku limit — 200 cyharet, abo 50 cyhar (cyharył), abo 250 hramaŭ tytuniu (abo hetyja tavary ŭ asartymiencie ahulnaj vahoj nie bolš za 250 hramaŭ na adnaho paŭnaletniaha).
Abmiežavańni pa ałkaholi — try litry na adnaho paŭnaletniaha.
Kali lacieć samalotam, tady biaspošlinnyja limity na ŭvoz tavaraŭ z-za miažy składajuć 10 000 jeŭra i 50 kiłahramaŭ.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary
Tam tožie podorožajet.