Prajekt biełaruskich katalikoŭ, jaki sabraŭ i sistematyzavaŭ raskład śviatych imšoŭ u parafijach Minska, vychodzić na novy ŭzrovień. Resurs Imsha.by, stvorany kamandaj entuzijastaŭ, pašyrajecca na ŭsiu krainu i šukaje vałancioraŭ u parafijach, piša Katolik.Life.
«Kolki razoŭ zdarałasia tak, što my sprabavali daviedacca, dzie i ŭ jaki čas možna sustrecca z Chrystom u Minsku! A heta nie tak prosta — infarmacyja, schavanaja ŭ hłybini internet-staronak i ŭ supołkach sacsietak, časam była nieaktualnaja, i davodziłasia telefanavać siabram-katalikam i pytacca — a katoraj śviataja Imša?», — kažuć pra ideju prajekta jaje aŭtary.
Ciapier na resursie pradstaŭlenaja infarmacyja pra miescy i čas (u tym liku z paznakaj ab anłajn-tranślacyi) praviadzieńnia rymska-katalickich imšoŭ i hreka-katalickich liturhij u Minsku.
A ciapier kamanda abviaściła, što zaniałasia stvareńniem takoj sistemy dla ŭsioj Biełarusi i zaprasiła vałancioraŭ z parafij. Sistema, jakaja stvarajecca, prezientujecca jak «pieršaja ŭ śviecie». A dla dapamohi vałancioram stvorany admysłovy bot pad nazvaj Aaron.
Kab zaprasić da supracoŭnictva śviataroŭ i znajści vałancioraŭ u parafijach, aŭtary prajekta pryjazdžajuć na jeparchijalnyja sustrečy śviataroŭ i raspaviadajuć pra prajekt. A ŭ svaich sacsietkach — znajomiać z udzielnikami kamandy.
Kamientary
ka s cioł uže nie znaje prosta , jak vypiendrycca
u
novych realijach