Праект беларускіх каталікоў, які сабраў і сістэматызаваў расклад святых імшоў у парафіях Мінска, выходзіць на новы ўзровень. Рэсурс Imsha.by, створаны камандай энтузіястаў, пашыраецца на ўсю краіну і шукае валанцёраў у парафіях, піша Katolik.Life.
«Колькі разоў здаралася так, што мы спрабавалі даведацца, дзе і ў які час можна сустрэцца з Хрыстом у Мінску! А гэта не так проста — інфармацыя, схаваная ў глыбіні інтэрнэт-старонак і ў суполках сацсетак, часам была неактуальная, і даводзілася тэлефанаваць сябрам-каталікам і пытацца — а каторай святая Імша?», — кажуць пра ідэю праекта яе аўтары.
Цяпер на рэсурсе прадстаўленая інфармацыя пра месцы і час (у тым ліку з пазнакай аб анлайн-трансляцыі) правядзення рымска-каталіцкіх імшоў і грэка-каталіцкіх літургій у Мінску.
А цяпер каманда абвясціла, што занялася стварэннем такой сістэмы для ўсёй Беларусі і запрасіла валанцёраў з парафій. Сістэма, якая ствараецца, прэзентуецца як «першая ў свеце». А для дапамогі валанцёрам створаны адмысловы бот пад назвай Аарон.
Каб запрасіць да супрацоўніцтва святароў і знайсці валанцёраў у парафіях, аўтары праекта прыязджаюць на епархіяльныя сустрэчы святароў і распавядаюць пра праект. А ў сваіх сацсетках — знаёмяць з удзельнікамі каманды.
Цяпер чытаюць
Зяленскі: Рэтранслятары на мяжы Беларусі прыпынілі працу72
Каментары
ка с цёл ужэ не знае проста , як выпендрыцца
у
новых рэаліях