Ułada11

Prahałasavali adzinahałosna

Pałata pradstaŭnikoŭ pryniała ŭ pieršym čytańni kaśmietyčnyja źmianieńni ŭ vybarčaje zakanadaŭstva.

Pałata pradstaŭnikoŭ pryniała ŭ pieršym čytańni zakonaprajekt «Ab uniasieńni dapaŭnieńniaŭ i źmianieńniaŭ u niekatoryja zakony Respubliki Biełaruś pa pytańniach praviadzieńnia vybaraŭ i refierendumaŭ i ab pryznańni straciŭšym siłu zakona «Ab Centralnaj kamisii Respubliki Biełaruś pa vybarach i praviadzieńni respublikanskich refierendumaŭ». 30 listapada za hety zakonaprajekt prahałasavali ŭsie 104 parłamientaryi, jakija biaruć udzieł u plenarnym pasiadžeńni siesii.

Zakonaprajekt źmianiaje paradak farmiravańnia vybarčych kamisij. Zamacavana ŭklučeńnie ŭ ich skład adnoj traciny pradstaŭnikoŭ palityčnych partyj i hramadskich abjadnańniaŭ. Vykankamy nie majuć prava ŭklučać svaich pradstaŭnikoŭ u skład vybarčych kamisij, a dziaržčynoŭniki mohuć zajmać nie bolš adnoj traciny ich składu.

Subjekty, jakija vyłučyli svaich pradstaŭnikoŭ u vybarčyja kamisii, nadzialajucca pravam prysutničać na pasiadžeńniach miascovych vykanaŭčych kamitetaŭ i pradstaŭničych orhanaŭ pry rašeńni imi pytańniaŭ utvareńnia vybarčych kamisij. Rašeńni takich pasiadžeńniaŭ možna abskardzić u sudzie.

Spraščajecca paradak vyłučeńnia kandydataŭ, u tym liku ad palityčnych partyj.

Tak, palityčnaja partyja moža vyłučać kandydata pa luboj vybarčaj akruzie, niezaležna ad isnavańnia na jaho terytoryi partyjnych struktur.

Z zakanadaŭstva vyklučana norma, jakaja pradpisvaje zaviareńnie podpisaŭ, sabranych členami inicyjatyŭnych hrup, u vykankamie. Źmienšana kolkaść padstaŭ dla pryznańnia podpisaŭ niesapraŭdnymi.

Spraščajecca paradak praviadzieńnia pieradvybarnych sustreč z vybarščykami ŭ vyhladzie masavych schodaŭ, pikietaŭ. Kandydaty majuć prava pravodzić masavyja mierapryjemstvy pa pieradvybarnaj ahitacyi ŭ paviedamlalnym paradku ŭ śpiecyjalna adviedzienych dla hetaha miescach, a taksama mahčymaść ažyćciaŭlać sumiesnuju ahitacyju.

Pry daterminovym hałasavańni pa vynikach kožnaha dnia hałasavańnia budzie składacca pratakoł ab kolkaści hramadzian, jakija atrymali vybarčyja biuleteni.

Padčas praviadzieńnia miascovych vybaraŭ vyklučajecca paroh jaŭki vybarščykaŭ, nieabchodny dla pryznańnia taho, što vybary ŭ miascovyja saviety adbylisia.

Padčas praviadzieńnia parłamienckich i prezidenckich vybaraŭ praduhledžana stvareńnie indyvidualnych finansavych fondaŭ. Dla kandydataŭ ŭ deputaty Pałaty pradstaŭnikoŭ ich maksimalny pamier składaje 1 tysiaču bazavych vieličyń, dla kandydata ŭ prezidenty — 3 tysiačy bazavych vieličyń.

Zakonaprajekt praduhledžvaje ŭklučeńnie ŭ Vybarčy kodeks pałažeńniaŭ dekretaŭ prezidenta ab členach CVK z pravam daradčaha hołasu i ab dekłaravańni dachodaŭ i majomaści kandydataŭ u prezidenty Biełarusi i ich blizkich svajakoŭ, a taksama norm zakona «Ab Centralnaj kamisii Respubliki Biełaruś pa vybarach i praviadzieńni respublikanskich refierendumaŭ».

Jak zajaviła kiraŭnik CVK Biełarusi Lidzija Jarmošyna, zakonaprajekt «budzie sadziejničać palapšeńniu biełaruskaha zakanadaŭstva». «Samaje hałoŭnaje tyčycca najpierš uzmacnieńnia hramadskaha kantrolu, ablahčeńnia sposabaŭ vyłučeńnia i ŭdziełu ŭ vybarach dla kandydataŭ i partyj, a taksama ŭzmacnieńnia nahruzki na vybarčyja kamisii», — skazała Jarmošyna.

Na jaje dumku, źmianieńni ŭ vybarčym zakanadaŭstvie taksama buduć sadziejničać «umacavańniu hramadskaha davieru da vybaraŭ».

Taćciana Karaviankova, Siarhiej Karalevič, BiełaPAN.

Kamientary1

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Zahinuŭ 20-hadovy kobrynski błohier

Zahinuŭ 20-hadovy kobrynski błohier

Usie naviny →
Usie naviny

Maryna Mientusava raskazała, čamu razyšłasia z mužam13

Minabarony Biełarusi zakupić bieśpiłotnikaŭ na 3,3 miljona dalaraŭ5

Adnu z najvialikšych sinahoh Biełarusi pradajuć u Kobrynie

Toj redki vypadak, kali Łukašenka skazaŭ praŭdu23

Były biełaruski futbalist pryniaŭ san ksiandza1

«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5

U Vilni prajšoŭ «Čarnobylski šlach» z udziełam ukraincaŭ i litoŭcaŭ 6

«Kab Pieramoha zastałasia nieabhadžanaj tym, što kažuć na Zachadzie». Što pakažuć u teatrach da 9 Maja18

Nievierahodnaja historyja kachańnia, pra jakuju niekali źnimie stužku «Biełaruśfilm»5

bolš čytanych navin
bolš łajkanych navin

Zahinuŭ 20-hadovy kobrynski błohier

Zahinuŭ 20-hadovy kobrynski błohier

Hałoŭnaje
Usie naviny →

Zaŭvaha:

 

 

 

 

Zakryć Paviedamić