Homielskaja kandytarskaja fabryka «Spartak» ciapier vypuskaje šakaładnyja pielmieni. Niezvyčajny łasunak zaśviaciŭsia ŭ roliku, jaki pradpryjemstva apublikavała ŭ instahramie. «Tolki zirnicie, kolki ŭsiaho cikavaha možna zrabić z šakaładu!» — napisana ŭ podpisie da videa.
Siarod inšaha na kadrach možna ŭbačyć samyja sapraŭdnyja pielmieni. Adnak vyrab, jaki vonkava vyhladaje jak paŭfabrykat ź ciesta i faršu, na samaj spravie zrobleny ź biełaha i čornaha šakaładu.
Akramia pielmieniaŭ, na pradpryjemstvie robiać z šakaładu jadomyja kvietki, statuetki, košyki i šmat inšaha. Na fabrycy adznačyli, što nabyć hetyja vyraby možna ŭ firmovych kramach.
Kamientary