U Rahačoŭskim rajonie pad kołami ciahnika zahinuŭ 78-hadovy piensijanier. U jaho byli prablemy sa słycham
Niaščaście zdaryłasia viečaram 8 žniŭnia kala stancyi Starasielski.
Fota: Sožski farpost
78-hadovy mužčyna vyjšaŭ z dyziela i nakiravaŭsia ŭ viosku Cierachoŭka, piša telehram-kanał «Sožski farpost».
Kab skaracić darohu, jon pajšoŭ uzdoŭž rejek.
U hety čas pa ich ruchaŭsia pasažyrski ciahnik «Mahiloŭ — Homiel». Mašynist sihnaliŭ mužčynu, ale toj nie reahavaŭ i praciahvaŭ ruch. U vyniku ciahnik začapiŭ piensijaniera.
Ad atrymanych cialesnych paškodžańniaŭ mužčyna pamior na miescy zdareńnia.
Paźniej vyjaviłasia, što zahinuły byŭ z parušeńniem słychu, tamu, chutčej za ŭsio, jon nie pačuŭ papieradžalnaha sihnału mašynista.
Kamientary