«Ja razumieju, što i na mnie jość dola adkaznaści za dziejańni krainy». Zasnavalnik «Jandeksa» vystupiŭ suprać vajny va Ukrainie
Vołaž zajaviŭ, što jon «kateharyčna suprać varvarskaha ŭvarvańnia Rasii va Ukrainu», dzie ŭ jaho, «jak i ŭ mnohich, jość siabry i svajaki».
Zasnavalnik «Jandeksa» Arkadź Vołaž vypuściŭ zajavu, u jakoj upieršyniu z pačatku poŭnamaštabnaha ŭvarvańnia Rasii va Ukrainu vykazaŭ svaju pazicyju pra vajnu, piša «Mieduza».
«Za apošni hod mnie zadavali šmat pytańniaŭ, i asabliva šmat ich źjaviłasia na hetym tydni. Mnie b chaciełasia rastłumačyć svaju pazicyju», — zajaviŭ biznesoviec.
Vołaž zajaviŭ, što jon «kateharyčna suprać varvarskaha ŭvarvańnia Rasii va Ukrainu», dzie ŭ jaho, «jak i ŭ mnohich, jość siabry i svajaki».
«Niahledziačy na toje, što z 2014 hoda ja nie žyvu ŭ Rasii, ja razumieju, što i na mnie jość dola adkaznaści za dziejańni krainy», — havorycca ŭ zajavie.
Pavodle słoŭ Arkadzia Vołaža, paśla pačatku poŭnamaštabnaha ŭvarvańnia jon zasiarodzicca na padtrymcy «talenavitych rasijskich inžynieraŭ, jakija navažylisia pakinuć krainu i pačać novaje žyćcio». Biznesoviec adznačyŭ, što «było šmat pryčyn», ź jakich jamu davodziłasia maŭčać.
«Možna spračacca pra svoječasovaść majoj zajavy, ale nie pra jaje sutnaść. Ja suprać vajny», — skazaŭ na zakančeńnie Vołaž.
Raniej žurnalisty źviarnuli ŭvahu, što z raździeła «Bijahrafija» na asabistym sajcie Arkadzia Vołaža źnikli zhadki pra Rasiju. Na svaim sajcie Vołaž pradstaŭlaje siabie jak «izrailskaha technałahičnaha pradprymalnika, jaki naradziŭsia ŭ Kazachstanie».
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary