Viadomy futbolny insajdar Fabrycya Ramana napisaŭ, što forvard «Totenchema» Hary Kiejn pierajšoŭ u «Bavaryju». Ramana, kali vierahodnaść insajdu składaje 100 pracentaŭ, supravadžaje jaho słovami Here we go. Tak jon napisaŭ i hetym razam.
Uhoda składaje 100 miljonaŭ jeŭra plus dadatkovyja 20 miljonaŭ jeŭra bonusami.
Kiejn padpiša čatyrochhadovy kantrakt. Zialonaje śviatło źjaviłasia paśla pazityŭnych načnych pieramoŭ. Miedycynskija analizy pryznačanyja na hetuju ranicu.
«Lehienda «Totenchema», a ciapier novy forvard «Bavaryi», — reziumavaŭ Fabrycya Ramana.
Hary Kiejn zhulaŭ za «Totenchem» 317 matčaŭ i zabiŭ 213 miačoŭ, ale nie zavajavaŭ z kłubam nivodnaha trafieja.
«Bavaryja» apošnija 11 hadoŭ zapar vyjhravała niamieckuju Bundeślihu, a ŭ 2013 i 2020 hadach Lihu čempijonaŭ.
Novy siezon Bundeślihi startuje 18 žniŭnia. «Bavaryja» pieršy matč zhulaje ŭ haściach suprać «Vierdera».
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im2
Kamientary