U Litvu źbieh jašče adzin rasijski aficer i paprasiŭ palityčnaha prytułku
Lejtenant Ivan Karaloŭ nielehalna pierajšoŭ miažu Litvy, zdoleŭ dabracca da Vilni i byŭ zatrymany apieratyŭnikami litoŭskaj pamiežnaj słužby na vilenskim aŭtavakzale 10 žniŭnia, piša Bi-bi-si.
Vajskoviec prachodziŭ słužbu ŭ vajskovaj čaści 59313-39. Heta «Abjadnanaje stratehičnaje kamandavańnie Uschodniaj vajskovaj akruhi». U zvyčajny čas hetaja čaść dysłakujecca ŭ pasiołku Tejsin Chabaraŭskaha kraju.
Paśla zatrymańnia ŭ Vilni vajskoŭca viarnuli na pamiežny KPP, dzie jon znachodziŭsia jašče sutki.
«3 žniŭnia ja pryniaŭ rašeńnie pakinuć Rasijskuju Fiederacyju ŭ suviazi z tym, što nie chacieŭ udzielničać u krovapralitnaj vajnie, jakuju raźviazała maja dziaržava. Ja znachodžusia ŭ Respublicy Litva, dzie paprasiŭ palityčnaha prytułku», — skazaŭ Ivan Karaloŭ Bi-bi-si.
«Ja braŭ udzieł u SVA (tak u Rasii nazyvajuć napad na Ukrainu. — «NN»), ale znachodziŭsia ŭvieś hety čas na terytoryi Rasijskaj Fiederacyi. Na terytoryi Ukrainy ja nie byŭ, — śćviardžaje aficer. — My zajmalisia zabieśpiačeńniem rasijskich vojskaŭ bojeprypasami. My prymali bojeprypasy z usioj Rasii, z usich čaściej, z usich arsienałaŭ i raźmiarkoŭvali ich bryhadam, čaściam niepasredna va Ukrainu».
Zajava ad aficera-artylerysta, jaki byŭ «namieśnikam načalnika składa ŭlikova-apieracyjnaha adździaleńnia palavoha artyleryjskaha składa» 11 žniŭnia była pryniataja da razhladu, paśla čaho jaho adpravili ŭ mihracyjny centr u Padbrodzie (Pabradzie), dzie jon budzie znachodzicca, pakul litoŭskija ŭłady buduć razhladać jahonuju zajavu.
Kamientary
— Patrony podnosił!
— I čto tiebie hovorili?