«Heta była pamyłka». Čynoŭnik NATA paprasiŭ prabačeńnia za svaje słovy ab patrebie admovy Ukrainy ad terytoryj
Kiraŭnik aparatu hienieralnaha sakratara NATA Styjan Jensen paprasiŭ prabačeńnia za svaje raniejšyja słovy, što Ukraina nibyta moža atrymać prava siabroŭstva ŭ Aljansie ŭ abmien na admovu ad akupavanych Rasijaj terytoryj. Jon skazaŭ heta ŭ kamientary tamu ž narviežskamu partału VG, na jakim źjaviłasia i papiaredniaje paviedamleńnie, piša «Jeŭrapiejskaja praŭda».
Jensen adznačyŭ, što jahonaja zajava była «častkaj bolš šyrokaj dyskusii ab mahčymych budučych scenaryjach va Ukrainie, i mnie nie varta było kazać pra heta takim čynam».
«Heta była pamyłka», — dadaŭ čynoŭnik Aljansu.
Jon adznačyŭ, što ŭčarašniaja zajava ab «siabroŭstvie ŭ abmien na terytoryi» maje patrebu va ŭdakładnieńni paśla taho, jak jana vyklikała rezanans u miedyja.
«Kali — i ja padkreśliŭ kali — vy dachodzicie da punkta, kali možacie vieści pieramovy, vajennaja situacyja na poli boju, toje, chto što kantraluje, budzie ihrać absalutna centralnuju rolu i abaviazkova budzie mieć vyrašalny ŭpłyŭ na toje, jaki vyhlad budzie mieć mahčymy vynik hetaj vajny».
Mienavita tamu, dadaŭ čynoŭnik Aljansu, «vielmi važna, što my padtrymlivajem Ukrainu tym, u čym jana maje patrebu».
Akramia taho, kiraŭnik aparatu Jensa Stołtenbierha zhadaŭ i pra nieabchodnaść nadańnia Kijevu «harantyj biaśpieki», kab papiaredzić paŭtareńnie padziej 2014 i 2022 hadoŭ — ahresii z boku Rasii. Asobna Jensen padkreśliŭ, što mienavita Ukraina pavinna vyrašyć, na jakich umovach jana budzie hatovaja pačać pieramovy z Maskvoj i pra što budzie vieści hetyja pieramovy.
Polšča tracić na vojska bolš za inšyja krainy NATA
NATA nie bačyć pahrozy z boku PVK «Vahnier» u Biełarusi
«Biaśsille pierad artyleryjaj — samaje ciažkaje pačućcio». Z-vajenkary pryznajuć, što rasijskaja armija nie daje rady artyleryi NATA
«Siońnia my adčuvajem siabie jak Zachodni Bierlin u časy chałodnaj vajny». Litva zaklikała Niamieččynu paśpiašacca z raźmiaščeńniem čatyroch tysiač sałdat
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?8
Kamientary