U Maskvie zahinuli ŭdzielniki ekskursii pa padziemnych kalektarach. Jany patanuli padčas najmacniejšaj zalevy
Kolki čałaviek pryjšło na ekskursiju, nieviadoma. Zapisalisia na jaje bolš za 20 čałaviek.
U Maskvie padčas zalevy, jakaja prajšła 20 žniŭnia, źnikli jak minimum piać čałaviek, jakija adpravilisia na ekskursiju pa padziemnych kalektarach.
Pavodle danych Baza, siarod udzielnikaŭ ekskursii byli 47-hadovy kiraŭnik PR-słužby kampanii «Łanit» Dźmitryj Markuškin, jaho 15-hadovaja dačka Lizavieta, ich 18-hadovy svajak Hleb Łahašyn i jaho siabroŭka. Vioŭ ekskursiju dyhier-hid.
Paśla zalevy z hrupaj źnikła suviaź, svajaki źnikłych źviarnulisia ŭ palicyju.
21 žniŭnia, pišuć Mash i 112, u Maskvie-race byli vyjaŭlenyja cieły junaka i dziaŭčyny.
Pavodle Shot, znojdzieny try cieły: junaka i dźviuch dziaŭčat.
Baza taksama paviedamlaje ab trecim znojdzienym ciele, ale piša, što pakul nieviadoma, ci idzie havorka pra kaho-niebudź ź ludziej, źnikłych padčas ekskursii pa kalektarach.
Pošuki astatnich siabroŭ hrupy praciahvajucca. Praviarajecca infarmacyja, što ŭ ekskursii mahli ŭdzielničać bolš za 20 čałaviek.
Jak adznačaje kanał 112, na sajcie, dzie možna było za 9 tysiač rasijskich rubloŭ z čałavieka zakazać ekskursiju pa kalektarach, havorycca, što mierapryjemstva nie pravodzicca padčas daždžu. Čamu hetaje praviła było parušana, pakul nieviadoma.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary