Zdareńni22

Na poŭdni Polščy ŭ rajonie Žešava zafiksavali ŭspyšku lehijanielozu, taksama viadomaha jak «chvaroba lehijanieraŭ»

Jak paviedamlajuć polskija miedyja, najaŭnaść zachvorvańnia na lehijanieloz užo paćvierdžanaja ŭ 76 pacyjentaŭ. Ekśpierty adznačajuć, što situacyja niezvyčajnaja.

Legionella pneumophila
Bakteryi Legionella pneumophila. Fota: Wikimedia Commons

Jak paviedamlaje Portal Samorządowy.pl, u noč na 24 žniŭnia ŭ haradskoj balnicy Žešava pamierła piataja achviara lehijanieły — 79-hadovaja žycharka horada.

Dniom raniej u toj ža ŭstanovie pamior 70-hadovy mužčyna. Jašče troje čałaviek pamierła va Univiersiteckaj kliničnaj balnicy i ŭ Padkarpackim centry lohačnych zachvorvańniaŭ.

Paviedamlajecca, što ŭ haradskoj balnicy Žešava ŭ 15 čałaviek paćvierdžany lehijanieloz. Dvoje pacyjentaŭ znachodziacca ŭ ciažkim stanie ŭ adździaleńni intensiŭnaj terapii. Adzinaccać pacyjentaŭ znachodziacca va Univiersiteckaj kliničnaj balnicy i dzieviać u Padkarpackim centry lohačnych zachvorvańniaŭ.

Sanitarnaja inśpiekcyja 24 žniŭnia ranicaj paviedamiła, što lehijanieła (Legionella pneumophila) užo paćvierdžanaja ŭ 76 pacyjentaŭ, bolšaść špitalizavanych — 54 čałavieki — u Žešavie. Kolkaść paciarpiełych chutka raście. Jašče 22 žniŭnia ličba składała 51 čałaviek.

Sanitarnaja inśpiekcyja taksama paviedamiła, što pa stanie na 24 žniŭnia adabrana dla analizu 56 prob vady jak u horadzie, tak i ŭ dvuch pavietach. Vyniki čakajucca ŭ pačatku nastupnaha tydnia.

Niekalki dzion tamu ŭ Žešavie adklučyli fantany, vadzianyja zasłony i pitnyja fantančyki, a taksama stvaryli municypalny kryzisny štab. Situacyja nastolki surjoznaja, što horad, nie dačakaŭšysia vynikaŭ, vyrašyŭ pravieści dezynfiekcyju haradskoha vodapravoda.

U noč z 23 na 24 žniŭnia ŭ Padkarpackim vajavodskim upraŭleńni sabrałasia ekstranna sklikanaja kryzisnaja hrupa. U Žešaŭ pryjechali ministr i namieśnik ministra achovy zdaroŭja.

Paśla pasiadžeńnia Ministerstva achovy zdaroŭja paviedamiła ŭ sacyjalnych sietkach, što «varyjant municypalnaha vodapravoda jak krynicy zaražeńnia praviarajecca».

U intervju Medionet.pl zahadčyca adździaleńnia infiekcyjnych chvarob adznačyła, što zaražeńnie bakteryjaj lehijanieły źviazana z vysokaj śmiarotnaściu — ad 5 da navat 30—50%.

«Epidemijałahičnaje rasśledavańnie abaviazkova niešta pakaža, tamu što małavierahodna, kab niezaležna adno ad adnaho ŭ niekalkich miescach raptoŭna pačalisia zachvorvańni, vyklikanyja lehijaniełaj. Takija epidemii ŭspychvajuć redka. Tamu najbolš imavierny ahulny ačah zaražeńnia», — padkreśliła ekśpiert.

Pa słovach lekarki, dla zaražeńnia bakteryjami lehijanieły nieabchodnaja ciopłaja vada. Takoha nie byvaje tam, dzie choładna. Aptymalnaja tempieratura dla rostu bakteryj prykładna takaja ž, jak i ŭ arhaniźmie čałavieka, — kala 37—38 hradusaŭ. Chutkaść razmnažeńnia bakteryj značna padaje pry tempieratury nižejšaj za 20 hradusaŭ, a čas jaje vyžyvańnia istotna pamianšajecca pry tempieraturach vyšejšych za 50 hradusaŭ.

Śpiecyjalistka dadaje, što sistemy haračaha vodazabieśpiačeńnia, kandycyjanavańnia, vientylacyi — najbolš krytyčnyja miescy pry pošuku krynicy infiekcyi, bo lehijaniełaj ludzi zaražajucca pry ŭdychańni aerazolaŭ, jakija źmiaščajuć uzbudžalnik. Zatym jon paražaje dychalnyja šlachi.

Ludzi nie sutykajucca z ryzykaj zachvareć uvieś čas, bo na vodapravodnych stancyjach haračaja vada pavinna być takoj tempieratury, kab nie raźvivalisia hetyja bakteryi, vykarystoŭvajucca dezynfiekcyjnyja srodki. U hetych adnosinach dziejničajuć strohija praviły. Tamu, pa słovach lekarki,

na Padkarpaćci pavinna było adbycca niešta vyklučnaje, kab takoje zaražeńnie adbyłosia. Hetaja situacyja vielmi niezvyčajnaja.

Čytajcie jašče:

Čałaviek upieršyniu zaraziŭsia hrybkom, jaki źniščaje ružy

Urahany i hłabalnaje paciapleńnie ŭsio čaściej pryvodziać da raspaŭsiudžvańnia śmiarotnych bakteryj. Što z hetym rabić?

Užyvańnie sałataŭ padčas pryjomu antybijotykaŭ moža pryvieści da ŭźniknieńnia niebiaśpiečnych supierbakteryj — navukoŭcy

Kamientary2

  • Dyviersija
    24.08.2023
    Ekskursavoda Łuku zapytajcie
  • pt na spryt
    24.08.2023
    U Žešaŭ aktyŭna jeździać ukraincy, moža jany pryvieźli.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju1

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Usie naviny →
Usie naviny

Kavaleŭski patłumačyŭ, za jaki dyjałoh pamiž hramadstvam i ŭładami jon vystupaje13

Duda praśviaciŭ Zialenskaha adnosna Vałynskaj trahiedyi. Toj pra jaje nie viedaŭ18

Voś jak vyhladaje pavaleny buraj les pad Mahilovam z vyšyni ptušynaha palotu FOTAFAKT1

U Minsku i vakolicach hrad z paŭjajka i vialiki patop VIDEA2

Ksienija Łuckina: «Usio my rabili pravilna, kali dahetul Łukašenka i prapahandysty biaskonca ŭspaminajuć»5

Niezvyčajnaja kašula Łukašenki — vyrab biełaruskaha lehprama FOTA24

Cichanoŭski raskazaŭ, što treba było rabić u žniŭni 2020-ha84

Bieraściejec za dzieviać hadoŭ pryvodziŭ na hienietyčnuju ekśpiertyzu šaściarych dziaciej

«Majem adnu važnuju začepku». Rasśledavalniki praciahvajuć pošuk Mielnikavaj6

bolš čytanych navin
bolš łajkanych navin

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju1

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Hałoŭnaje
Usie naviny →

Zaŭvaha:

 

 

 

 

Zakryć Paviedamić