130 atrymali apioki roznaj stupieni ciažkaści. Ludzi zahinuli ŭ vyniku ciskaniny i atručvańnia čadnym hazam. 7 śniežnia ŭ Rasii abvieščny dniom ahulnanacyjanalnaj žałoby.
Vybuch i pažar adbylisia ŭ načnym kłubie «Kulhavy koń» horada Pierm (Rasija) uviečary piatnicy.
VIDEA
***
112 čałavieki zahinuli pry pažary ŭ načnym kłubie "Kulhavy koń" u horadzie Pierm (Rasija). Apioki roznaj stupieni ciažkaści atrymali 130 čałaviek.
Usiaho ŭ kłubie znachodzilisia bolš 200 čałaviek: supracoŭniki i ich svajaki. Śviatkavali jubilej. Pažar zdaryŭsia ŭ vyniku chałodnaha fiejervierku, zaharelisia draŭlanyja pierakryćci i sałoma.
Napačatku uzarvałasia piratechnika, kłub achapiŭ pažar, a bolšaść ludziej (maładyja ludzi) zahinuli ŭ vyniku ciskaniny i atručvańnia čadnym hazam.
Prezident Dźmitry Miadźviedzieŭ abviaściŭ 7 śniežnia Dniom žałoby ŭ Rasii.
Z Maskvy ŭ horad terminova vylecieli dva samaloty Ił-76 MNS Rasii, asnaščanyja reanimacyjnym abstalavańniem, nieabchodnym dla pieravozki ludziej z mocnymi apiokami.
Na miescy trahiedyi pracuje apieratyŭnaja hrupa HU MNS Rasii pa Piermskim kraju, śledčy kamitet pry Prakuratury Piermskaha kraju, FSB. Vybuchatechničnaja łabaratoryja krajavoha ŭpraŭleńnia MNS daśledavała pamiaškańnie načnoha kłuba z metaj pravieryć viersiju terakta. Pa vynikach analizu śladoŭ vybuchovych rečyvaŭ nie znajšli.
Prezident Rasii Dźmitryj Miadźviedzieŭ padpisaŭ ukaz «Pra abjavu žałoby ŭ suviazi z trahičnymi padziejami ŭ Piermi».
***
ŚVIEDČAŃNI VIDAVOČCAŬ
Fiejervierki zapalvali supracoŭniki kłuba, ci to dydžej, ci to niechta ź viadučych. Pieršy prahareŭ biez prablem. A voś, kali pačali padpalvać druhi, z-za jakoha ŭsio i pačałosia, niechta ŭ natoŭpie kryknuŭ: «Hladzi, aściarožniej, tolki b nie zahareŭsia!» Tyja ŭ adkaz pažartavali, maŭlaŭ, usio narmalna. A fiejervierk streliŭ, — raspavioŭ našamu karespandentu mužčyna-śviedka. — Dakładniej spačatku pačuŭsia chłapok, paśla čaho zaharełasia stol nad scenaj — tam niešta nakštałt sałomy. Ahoń chutka pierakinuŭsia na ścieny, meblu ... Tam ža stol nizkaja, usia abciahnuta dekaratyŭnaj placionkaj.
Kala 400 čałaviek, jakija sabralisia na toj momant u kłubie, kinulisia raźbivać vokny i dźviary. Pačałasia ciskanina.
— Kali raźbili pieršyja vokny i ŭ zału chłynuła śviežaje pavietra, prahučaŭ vybuch. Jon byŭ takoj siły, što ŭ dziaŭčynki, jakaja pradavała ŭvachodnyja kvitki, jakaja na toj momant siadzieła la ŭvachodu ŭ zału (scena znachodzicca ŭ inšym kancy zały — Red.), apaliła ruki. Strašna było žudasna. Na dziaŭčyncy hareli niejłonovaja jarkaja sukienka ...
Samym składanym, jak potym apyniecca, było raźbić akna.
— Usie jany byli zabityja ćvikami, paŭsiul hetaja dekaratyŭnaja placionka ...
***
ŽŽ-karystalnik starina-klim.livejournal.com pakinuŭ taki kamientar u čužym dziońniku:
Ja žyvu nad Kulhavym kaniom, u centralnaj śviečcy, na 4 paviersie. Nie spaŭ u momant NZ. Niedzie ŭ 1.10 pajšoŭ papalić na kuchniu i ŭbačyŭ u dvary doma 15 uschvalavanych padletkaŭ. Jašče padumaŭ, čamu dziaŭčynki ŭ takich bliskučych kurtkach. Vačam nie pavieryŭ, što heta sukienki-błuzački. I ŭ hety momant vyjechali z pažarki mašyny.
Kali pajšoŭ spać, usio zrazumieŭ. U pakoi śmiardzieła «chimijaj».
Vynik. Baču kala 30 ciełaŭ (nakolki dazvalaje vuhał ahladu z bałkona), jakija na praciahu hadziny ŭžo nichto nie kranaje.
Vybuchu nie čuŭ.
Paźniej jon pakinuŭ nastupny zapis u svaim dziońniku:
Haryć Kulhavy Koń.
Miarkujučy pa ŭsim, u siaredzinie zastajucca ludzi. Usie vakoł biehajuć bieź vierchniaj vopratki, vykrykvajuć imiony i bieśpierapynna telefanujuć.
Patušyli, padobna da ŭsiaho. Vyciahvajuć ludziej.
Niejkaj plonkaj prykryli (cieły?). A vyciahvać jašče praciahvajuć. «Uvaha ŭdzielnikam tušeńnia pažaru. U kaho skončyŭsia kisłarod, bałony znachodziacca ŭ štabnym aŭtamabili». Dym pa-raniejšamu valić.
Dziesiatka dva vyciahnutych ciełaŭ lažać na darozie. Praź ich, u pošukach bieznadziejnych, pierastupajuć stychijnyja ŭdzielniki. Kahości zredku adnosiać da mašynaŭ chutkaj dapamohi.
Śmierć adnaho – trahiedyja. Śmierć troch dziesiatkaŭ – statystyka. Praz statystyku pierakročvajuć biaśsilnyja bajcy śpiecsłužbaŭ. A try dziesiatki trahiedyj siońnia paviarnuli žyćci socień ludziej.
Pa pierymietry ŭsie ačapili. Evakujujuć cieły.
Reparcior ŭ navušnikach, z kamieraj, vidavočna prafiesijnaj, u čachle, sprabavaŭ prajści za ačapleńnie. Darohu jamu pieraharadziŭ mužčyna: «Nie zdymaj, tam moj syn zahinuŭ. Nie zdymaj!»
***
Pavodle apošnich źviestak, kolkaść zahinułych dasiahnuła 112 čałaviek.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary