«Pieramoha narodnaj spraviadlivaści». Łukašenka pavinšavaŭ Emiersana Mnanhahva ź pieraabrańniem na pasadu prezidenta Zimbabve
«Praviedzienaja elektaralnaja kampanija čarhovy raz prademanstravała pieramohu ŭ Zimbabve narodnaj spraviadlivaści», — napisaŭ u vinšavańni Alaksandr Łukašenka.
Pavodle Łukašenki, vyniki vybaraŭ śviedčać «ab istotnaj padtrymcy» hramadstvam palityki Mnanhahva.
«Pad vašym kiraŭnictvam dziaržava, biezumoŭna, praciahnie pastupova pavialičvać ekanamičny, pramysłovy, navukovy i kulturny patencyjał, umacoŭvać pazicyi na mižnarodnaj arenie», — dadaŭ Łukašenka.
Jon paabiacaŭ, što «Biełaruś prykładzie ŭsie namahańni, kab vyvieści tradycyjna družalubnyja i daviernyja adnosiny pamiž Minskam i Charare na ŭzrovień stratehičnaha partniorstva».
Emiersan Mnanhahva, pavodle miascovaha CVK, pieraabrany na druhi termin.
«Mnanhahva Emiersan Dambudza, pradstaŭnik partyi ZANU-PF, abjaŭlajecca naležnym čynam abranym prezidentam Respubliki Zimbabve», — zajaviła kiraŭnica CVK krainy Pryscyła Čyhumba.
Pavodle aficyjnaj infarmacyi, jon nabraŭ padčas hałasavańnia 52,6% hałasoŭ zimbabvijskich vybarščykaŭ.
Apazicyjny kandydat i lidar partyi «Hramadzianskaja kaalicyja za pieramieny» Nelsan Čamiza atrymaŭ 44% hałasoŭ.
Chrenin sustreŭsia ź ministarkaj abarony Zimbabve FOTAFAKT
Biełaruś i Zimbabve damovilisia supracoŭničać u kaśmičnaj śfiery
Aksilija Mnanhahva pryjazdžała ŭ Biełaruś z dvuma synami-bliźniukami
Pieršaja łedzi Zimbabve — Łukašenku: Vy nie tolki baćka, vy — maci
Treciuju žonku prezidenta Zimbabve zrabili hanarovym doktaram Biełaruskaha mieduniviersiteta. Pa adukacyi jana sakratarka
Kamientary
vsieho liš? eto kakoj-to pozor