Siońnia — uhodki vychadu pieršaha numara «Našaj Doli» — pradvieśnika «Našaj Nivy»
1 vieraśnia 1906 hoda vyjšaŭ pieršy numar «Našaj Doli».
U hety dzień pabačyŭ śviet pieršy numar «Našaj Doli». Praŭda, pieršaja lehalnaja hazieta na biełaruskaj movie praisnavała niadoŭha. Śviet pabačyła ŭsiaho 6 numaroŭ, jakija vychodzili ź vieraśnia da śniežnia 1906-ha, nahadvaje «Budźma».
Nakłady kanfiskoŭvalisia, na redakcyju, jakaja mieściłasia ŭ Vilni, nakładaŭsia aryšt, a vydaviec urešcie atrymaŭ hod turmy. Ale mienavita tut debiutavali Jakub Kołas, Ciotka, Jadvihin Š., a techničnaj pracaj zajmalisia braty Łuckievičy.
U pieršym numary haziety byŭ nadrukavany vierš «Naš rodny kraj», padpisany psieŭdanimam Jakub Kołas. Heta i jość litaraturny debiut kłasika i pieršaja zhadka jahonaha psieŭdanima.
«Naša dola» była, z adnaho boku, vostrapalityčnaj, zaklikała da svabody i roŭnaści, adukacyi na rodnaj movie, krytykavała cara. Ź inšaha — źmiaščała litaraturnyja staronki, abjavy dy navat naviny miedycyny i prykładnoj miechaniki. Nikoli raniej pa-biełarusku nie vychodziła ničoha padobnaha.
23 listapada 1906 hoda pa novym styli vyjšaŭ pieršy numar «Našaj Nivy», hazieta vydavałasia da 1915 hoda da pačatku akupacyi Vilni kajzieraŭskimi vojskami.
«U metach adarvańnia ad Rasii». Carskaja Rasija ci łukašenkaŭskaja RB: dzie «Našaj Nivie» pracavałasia lahčej
Hrošy dla «Našaj Nivy». Za košt čaho isnavała lehiendarnaja «hazieta z rysunkami» ŭ pačatku XX stahodździa?
Adrasy redakcyj i lubimaja kaviarnia Kupały. Hid pa vilenskich miescach «Našaj Nivy» ŠMAT FOTA
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary