Biełarus Dźmitryj Šepieleŭ budzie vieści šou na telekanale «Rasija». Raniej jon niaśmieła vystupaŭ suprać vajny
Dźmitryj Šepieleŭ u svaim błohu padzialiŭsia radasnaj navinoj: jaho zaprasili viadoŭcam. Šou dla ŭsioj siamji «U kole siabroŭ» vyjdzie ŭ efir užo ŭ subotu ŭ 11:50.
«Za apošnija dva tydni ja pahładziŭ bolš žyvioł, čym za ŭsio žyćcio. Kozy jeli na mnie futbołku, aŭčarki hryźli ruku, koń navaliŭ u studyi vielizarnuju kuču, a kakadu spaŭ u mianie pad pachaj. Ja ščaślivy! Pryhatujciesia da «mimimi», — pryznaŭsia Šepieleŭ u svaim dopisie.
Prychilniki z radaściu padtrymali lubimaha viadoŭcu: «Vy taki małajčyna», «Pośpiechu tabie ŭ karjery. Vinšuju», «Jaki ž vy razumnik!».
Dźmitryj Šepieleŭ doŭhi čas pracavaŭ u Kijevie na telekanałach i zrabiŭ sabie imia mienavita va Ukrainie. U pieršy dzień poŭnamaštabnaha ŭvarvańnia jon apublikavaŭ antyvajenny post.
«Mnie asabliva strašna ad taho, što ja ciapier advioz dzicia ŭ škołu, a maje siabry ŭ Kijevie i inšych haradach Ukrainy viaduć dziaciej u bambaschoviščy. Heta nie ŭkładajecca ŭ hałavie», — napisaŭ Dźmitryj 24 lutaha 2022 hoda.
Pieršaja namieśnica staršyni kamiteta Dziarždumy pa kultury Alena Drapieka ŭžo aburyłasia zaprašeńniem Šepieleva: «Ja b nazvała heta dvudušnaściu kiraŭnictva kanała, jakoje zaprasiła Šepieleva ŭdzielničać u prahramie. Kali televiadoŭca sapraŭdy vystupaŭ suprać SVA, to jon traplaje pad sistemu našaha zakanadaŭstva. Pravierkaj hetaha musiać zajmacca pravaachoŭnyja orhany».
Ciapier čytajuć
Bližejšym časam buduć vyzvaleny bolš za 150 palitźniavolenych29
Kamientary