KDB dadaŭ u «śpis asobaŭ, datyčnych da terarystyčnaj dziejnaści», jašče siem čałaviek, zaŭvažyła «Viasna». Ciapier u im 1398 čałaviek, ź ich 660 — biełarusy.
Siarod tych, kaho dadali ŭ śpis:
Ivan Zamiacin, žychar Bresta, asudžany na 7,5 hadoŭ kałonii za danaty. Jaho abvinavacili pa artykułach ab zaklikach da dziejańniaŭ suprać nacyjanalnaj biaśpieki Biełarusi (art. 361 KK), abrazie Łukašenki (art. 368 KK), stvareńni ekstremisckaha farmavańnia (art. 361‑1 KK), finansavańni «terarystyčnaj dziejnaści» (art. 290‑1 KK).
Jaŭhien Vałychin ź Minska, jakoha asudzili na 4,5 hady kałonii pavodle artykułaŭ ab zaklikach da dziejańniaŭ suprać nacyjanalnaj biaśpieki Biełarusi (artykuł 361 KK), abrazie Łukašenki (artykuł 368 KK), raspalvańni varožaści (artykuł 130 KK).
Alaksandr Machnač, pieršapačatkova zatrymany pa «spravie Hajuna» i ŭ vyniku asudžany na 4 hady kałonii pa artykułach ab zaklikach da dziejańniaŭ suprać nacyjanalnaj biaśpieki Biełarusi (artykuł 361 KK) i ab sadziejničańni ekstremisckaj dziejnaści (artykuł 361‑4 KK).
Akramia taho, u śpis dadali Uładzimira Isajeva, Siarhieja Ćvikieviča, Illu Bakinoŭskaha, Ramana Husiejnava (usie jany asudžanyja pa artykule ab zaklikach da dziejańniaŭ suprać nacyjanalnaj biaśpieki, adnak padrabiaznaści nieviadomyja).
Kamientary
2 valet star.
3 valet siar.
4 valet małod.
5 valetava dačka
6 valetaú kum
7 valetava sakratarka