Kamandzira armii SPA, jakaja abaraniaje Maskvu, aryštavali za chabar
Hienierał-major Kanstancin Ahijenka, jaki ŭznačalvaŭ 1-ju ordena Lenina armiju SPA asablivaha pryznačeńnia, što prykryvaje Maskvu ad udaraŭ z pavietra, staŭ fihurantam kryminalnaj spravy ab chabary ŭ asabliva bujnym pamiery.
Kryminalnaja sprava, pa jakoj hienierału moža pahražać ad 8 da 15 hadoŭ pazbaŭleńnia voli, była ŭzbudžanaja ŭ lipieni 2023 hoda. Ahijenka znachodzicca pad vartaj, termin aryštu jamu praciahnuli da 27 listapada, piša TASS.
Pa źviestkach «Kommiersanta», Ahijenka razam z kamandujučym 4-j dyvizijaj SPA hienierał-majoram Dźmitryjem Bialackim atrymali 500 tysiač rubloŭ ad kiraŭnicy hramadskaj arhanizacyi «Nadzieja».
Heta była pieršaja častka chabaru na ahulnuju sumu ŭ 30 miljonaŭ rubloŭ, za jakuju vajskoŭcy abiacali vyłučyć pad zabudovu ziemli Minabarony RF u padmaskoŭnych Daŭhaprudnym i Łobnie.
Bialacki častkova pryznaŭ vinu i pajšoŭ na ŭhodu sa śledstvam. Jaho adpravili pad chatni aryšt.
Ahijenka svajoj viny nie pryznaŭ. Śledčyja vyrašyli, što hienierał, jaki vałodaje «šyrokimi suviaziami siarod słužbovych asob orhanaŭ vajennaha kiravańnia Minabarony Rasii», moža ŭździejničać na śviedkaŭ, a ŭ vypadku abrańnia bolš miakkaj miery strymańnia schavajecca ad śledstva i suda.
Ahijenka zajmaŭ pasadu kamandzira 1-j ordena Lenina armii supraćpavietranaj i supraćrakietnaj abarony asablivaha pryznačeńnia z 2021 hoda i byŭ źniaty z pasady paśla ŭzbudžeńnia kryminalnaj spravy, piša «Mieduza».
Kamientary