Генерал-маёр Канстанцін Агіенка, які ўзначальваў 1-ю ордэна Леніна армію СПА асаблівага прызначэння, што прыкрывае Маскву ад удараў з паветра, стаў фігурантам крымінальнай справы аб хабары ў асабліва буйным памеры.
Крымінальная справа, па якой генералу можа пагражаць ад 8 да 15 гадоў пазбаўлення волі, была ўзбуджаная ў ліпені 2023 года. Агіенка знаходзіцца пад вартай, тэрмін арышту яму працягнулі да 27 лістапада, піша ТАСС.
Па звестках «Коммерсанта», Агіенка разам з камандуючым 4-й дывізіяй СПА генерал-маёрам Дзмітрыем Бяляцкім атрымалі 500 тысяч рублёў ад кіраўніцы грамадскай арганізацыі «Надзея».
Гэта была першая частка хабару на агульную суму ў 30 мільёнаў рублёў, за якую вайскоўцы абяцалі вылучыць пад забудову землі Мінабароны РФ у падмаскоўных Даўгапрудным і Лобне.
Бяляцкі часткова прызнаў віну і пайшоў на ўгоду са следствам. Яго адправілі пад хатні арышт.
Агіенка сваёй віны не прызнаў. Следчыя вырашылі, што генерал, які валодае «шырокімі сувязямі сярод службовых асоб органаў ваеннага кіравання Мінабароны Расіі», можа ўздзейнічаць на сведкаў, а ў выпадку абрання больш мяккай меры стрымання схаваецца ад следства і суда.
Агіенка займаў пасаду камандзіра 1-й ордэна Леніна арміі супрацьпаветранай і супрацьракетнай абароны асаблівага прызначэння з 2021 года і быў зняты з пасады пасля ўзбуджэння крымінальнай справы, піша «Медуза».
Як пасля канца свету. Аграсядзібу ў Салігорскім раёне занесла зямлёй3
Каментары