Abviaścili zbor srodkaŭ na kansiervacyju biernardzinskaha klaštara na Ušaččynie
Ušackaje dziaržaŭnaje vydańnie «Patryjot» abviaściła pra adkryćcio rachunku dla zboru srodkaŭ na kansiervacyju i adnaŭlenčyja raboty na biernardzinskim klaštary ŭ vioscy Sielišča Ušackaha rajona. Heta adziny ŭ krainie chram u honar śviatoj Vieraniki.
![](http://nashaniva.com/img/w840d4webp1/photos/z_2023_05/2-az9i9.jpg.webp)
Vydańnie piša pra nieabchodnaść terminovaj pabudovy na klaštary časovaha dachu i kansiervacyi frahmientaŭ ścien.
Klaštar doŭhi čas staić biez dahladu i biez kansiervacyi. U krasaviku 2023 hoda ŭ im abrynułasia ściana.
Kaścioł XVIII stahodździa ŭklučany ŭ Dziaržaŭny śpis historyka-kulturnych kaštoŭnaściaŭ jak pomnik architektury respublikanskaha značeńnia (2-ja katehoryja), ale taki vysoki status nie paspryjaŭ spynieńniu jaho razbureńnia.
Narešcie ŭłady zadumalisia pra nieabchodnaść kansiervacyi pakul nie całkam stračanaha klaštara.
Adkryty śpiecyjalny dabračynny rachunak:
BY39AKBB31320112601822300000, kod AKBBBY2X, UNP 300006248.
Bolš padrabiazna pra biernardzinski klaštar na Ušaččynie čytajcie tut.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary