Łukašenka prydumaŭ, jak navieści paradak na fiermach i paabiacaŭ razukamplektavać urad za karoŭ
Niahledziačy na amal 30-hadovaje kiravańnie krainaj i lubimaju halinoju — sielskaj haspadarkaj, Alaksandr Łukašenka tak i nie moža navieści paradak navat tut. Siońnia jon pravodzić vialikuju naradu pa žyviołahadoŭli ŭ Salihorsku.
Zakranuŭšy prablemu padziažu žyvioł, prypisak i sprobaŭ schavać realnyja ličby, Łukašenka ahučyŭ, jak źmianić situacyju.
«Dumaju, razumna ŭ dalejšym kožnuju fiermu zamacavać za kankretnym rabotnikam rajvykankama. A rajon — za rabotnikam abłvykankama. Pa proźviščach. Kab u dalejšym adrazu było zrazumieła, kaho ŭznaharodžvać, kali spravy iduć dobra, a z kaho pytacca, kali drenna».
Pierajšoŭšy da pytańnia narychtoŭki karmoŭ i zabieśpiačeńnia hadavancaŭ fierm paŭnavartasnym racyjonam, Łukašenka prapanavaŭ klikać na dapamohu dziaciej i padletkaŭ.
«Naviadzicie paradak. Nie chapaje ruk — padklučajcie studentaŭ sielhasvuzaŭ, zaprašajcie vučniaŭ z profilnych kłasaŭ. Heta dobraja praktyka, a zaadno nahladny prykład, što i dzie treba palapšać u rodnaj krainie», — skazaŭ jon.
Pavodle infarmacyi Kamiteta dziaržaŭnaha kantrolu, u Biełarusi niedaŭkamplektavana amal 16 tysiač žyvioła-miescaŭ, paskardziŭsia Łukašenka.
Pavodle jaho, ciapier heta pytańnie znachodzicca pad piersanalnaj adkaznaściu ministra sielskaj haspadarki i charčavańnia, urada i staršyń abłvykankamaŭ.
Ciapier vysokapastaŭlenym čynoŭnikam nieabchodna da kanca biahučaha hoda zaviaršyć ukamplektavańnie fierm i zabiaśpiečyć pryrost małočnaha statka.
«Kali vy hetaha nie zrobicie, ja vam abiacaju, što «razukamplektuju» vaš skład», — cytuje Łukašenku jahony telehram-kanał.
U Homielskaj vobłaści prachodziać biesprecedentnyja čystki ŭ ahrarnym siektary
«Jon z mazhami, jamu nie varta było iści ŭ načalniki». Historyja kiraŭnika Chocimščyny, jakoha pasadzili za adkaty
Prapahandysty prydumali, jak padniać siało — zabaranić hurt «Drazdy» i nijakich kłubaŭ, bo pracavać treba
Biełaruś zakupić za miažoj kala 1 miljona ton zbožža. Sioleta ŭradžaj budzie horšy za papiaredni
Ahranom, deputat, kiraŭnik prafsajuza i pamočnik Łukašenki. Što viadoma pra novaha ministra sielskaj haspadarki
Łukašenka pryznačyŭ novaha ministra sielskaj haspadarki
Łukša raskazaŭ, na jakich umovach adbyvałasia pamiłavańnie3
Kamientary