Siarhiej Boŭfał, Śviatłana Šupienik i dva nieviadomyja mužčyny. Fota: staronki «Ukantakcie», skrynšoty ź videa HUBAZiK.
Siarod zatrymanych — 52-hadovy Siarhiej Boŭfał, jakoha raniej zatrymlivali nibyta za abrazu milicyjantaŭ z mahiloŭskaha rajona, u krasaviku 2023-ha. Tady videa ź im vykładaŭ kanał, jaki viaduć supracoŭniki MUS.
Taksama zatrymana 48-hadovaja Śviatłana Šupienik z Vaŭkavyska. I dva mužčyny: adzin z Vaŭkavyska, a inšy z Krasnasielskaha, ahraharadka ŭ 12 kiłamietrach ad rajcentra. Pakazany taksama kadry zatrymańnia jašče adnaho mužčyny.
Usich ich abvinavačvajuć u «raspaŭsiudzie ekstremisckich materyjałaŭ». Zvyčajna heta značyć, što čałaviek rabiŭ reposty z kanała niejkaha niezaležnaha miedyja abo inicyjatyvy. A Śviatłanu Šupienik vinavaciać taksama va ŭdziele ŭ pratestach u 2020 hodzie. Zatrymlivajuć ludziej vielmi brutalna, u styli HUBAZiKa — nakidvajucca natoŭpam, kładuć tvaram u ziamlu i vałakuć u mašyny. Da niekatorych, miarkujučy z rabočaha adzieńnia zatrymanych, pryjšli prosta na pracu.
Kadry zatrymańnia. Skryn videa HUBAZiK
Hubazikaŭcy śćviardžajuć, što suprać adnaho z zatrymanych zaviedzienaja kryminalnaja sprava i jaho adpravili ŭ SIZA.
Pravaabaroncy źviazvajuć aktyŭnaść siłavikoŭ u Vaŭkavysku ź incydentam, jaki adbyŭsia dniami ŭ horadzie. Pa infarmacyi «Viasny», na adnym z vyklikaŭ (bytavaja situacyja, nie źviazanaja z palityčnym pieraśledam) byŭ źbity supracoŭnik milicyi. Paśla hetaha ŭ horad adpravili siłavikoŭ ź Minska i Hrodna, jakija i pačali «začystku».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Chłopiec z Homiela vydaliŭ akaŭnt amal try hady tamu. Ale jaho vyličyli i zatrymali — voś jak heta adbyłosia
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
