«Ty budzieš mnie miła ŭśmichacca». Syn Kadyrava, jaki mocna źbiŭ čałavieka ŭ SIZA, adkazaŭ na krytyku ŭ svoj adras
15-hadovy syn Ramzana Kadyrava Adam, jaki žorstka źbiŭ čałavieka ŭ miascovym SIZA, adkazaŭ svaim krytykam. Pa sutnaści, heta novyja pahrozy ad siamji Kadyravych i naśmieška z tych, chto patrabuje pakarańnia.
Svoj adkaz Adam napisaŭ u instahramie paśla apublikavańnia videa ź SIZA i abureńnia hramadskaści.
«Možaš platkaryć, nienavidzieć, zajzdrościć i abmiarkoŭvać mianie. Ale ž my abodva razumiejem, što pry sustrečy ty budzieš mnie miła ŭśmichacca», — napisaŭ Adam Kadyraŭ u adkaz na krytyku svajho ŭčynku ŭ SIZA.
25 vieraśnia ŭ telehram-kanale kiraŭnika Čačni Ramzana Kadyrava źjaviŭsia rolik, u jakim jahony 15-hadovy syn Adam žorstka źbivaje źniavolenaha mužčynu ŭ SIZA. Śćviardžajecca, što heta byŭ rasijanin Mikita Žuraviel, abvinavačvany ŭ publičnym spaleńni Karana i śpiecyjalna dastaŭleny dla pakarańnia ŭ Čačniu.
Sam Kadyraŭ vysoka acaniŭ pavodziny svajho syna i paśpieŭ pryhrazić błohiercy Ksienii Sabčak nastupstvami, kali jana budzie praciahvać pisać pra jaho siamju.
Rolik pra źbivańnie čałavieka ŭ SIZA niepaŭnaletnim synam aŭtarytarnaha čačenskaha kiraŭnika vyklikaŭ mocnaje abureńnie i siarod zvyčajnych rasijskich hramadzian, i siarod pravaabaroncaŭ, i navat siarod kramloŭskich prapahandystaŭ. Adnym z arhumientaŭ apošnich suprać padobnych dziejańniaŭ na videa było toje, što «ŭłady krainy nie pavinny tak prosta dzialicca manapolijaj na hvałt, bo heta pryviadzie da paŭtareńnia padziej, padobnych da vahnieraŭskaha miaciažu».
Ale sam Kreml u situacyi z synam Kadyrava vyrašyŭ admaŭčacca. «Nie chaču», — skazaŭ Dźmitryj Piaskoŭ žurnalistam na prośbu prakamientavać situacyju.
«Naša Niva» — bastyjon biełaruščyny
PADTRYMAĆ
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam7
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary