Ukrainskaja raźviedka zajaviła pra čarhovy rejd svaich vajskoŭcaŭ u akupavany Krym
Hałoŭnaje ŭpraŭleńnie raźviedki Ministerstva abarony Ukrainy zajaviła, što śpiecnazaŭcy desantavalisia na terytoryi akupavanaha Kryma, atakavali voraha, a paśla vykanańnia zadańnia adyšli.
Pradstaŭnik HUR Andrej Jusaŭ paviedamiŭ, što ŭ vyniku boju jość šmat zabitych i paranienych siarod asabovaha składu rasijanaŭ. Ukraincy taksama majuć straty, ale jany, pa słovach Jusava, niesuvymiernyja z rasijskimi.
Siońnia ranicaj Minabarony Rasii paviedamiła, što «ŭ paŭnočna-zachodniaj častcy Čornaha mora była spyniena sproba praniknieńnia na terytoryju Kryma desantnaj hrupy USU, jakaja ruchałasia ŭ napramku mysa Tarchankut na chutkachodnym vajennym katary i troch hidracykłach».
Paźniej FSB raspaŭsiudziła videa z zatrymańniem i dopytam čałavieka, jaki nazyvaje siabie šarahoŭcam Hałoŭnaha ŭpraŭleńnia raźviedki. Pa słovach zatrymanaha, jaho imia Alaksandr Lubas.
Taksama jon havoryć, što ŭsiaho ŭ vysadcy brali ŭdzieł 16 čałaviek na piaci hidracykłach i adnym katery. U roliku HUR vodnych skutaraŭ vidać nie mienš za piać.
Kamientary