Samy talenavity navičok NCHŁ ledź nie zabyŭ klušku pierad pieršym vychadam na lod
Konar Biedard užo źbiraŭsia vyjści na placoŭku, ale zhadaŭ, što zabyŭsia klušku i viarnuŭsia ŭ raździavałku.
Siońnia nočču ŭ Paŭnočnaj Amierycy startavaŭ 107-y siezon Nacyjanalnaj chakiejnaj lihi. «Čykaha Błekchoŭks» u haściach pieramahli «Pitsburh Pinhvins» ź likam 4:2.
U hetym matčy za «Čykaha» debiutavaŭ 18-hadovy forvard Konar Biedard. Ale jon ledź nie zabyŭ kluški pierad vychadam na lod. Konar užo źbiraŭsia vyjści na placoŭku, ale zhadaŭ, što zabyŭ klušku i viarnuŭsia ŭ raździavałku.
Darečy, u matčy chłopiec zrabiŭ adzin halavy asist.
Pregame jitters?
Connor Bedard almost forgot his stick before taking the ice for the season opener pic.twitter.com/Gfmv1PRoxS
18-hadovaha Biedarda abrali pad pieršym numaram u drafcie NCHŁ 2023 hoda.
U minułym siezonie ŭ «Redžajna Pets» jon vydaŭ vynikovuju sieryju, zarabiŭšy bały ŭ 20 hulniach zapar. Rehularny siezon-2022/2023 jon skončyŭ z 143 bałami i atrymaŭ trafiej najlepšaha bambardzira Zachodniaj chakiejnaj lihi i najlepšaha hulca Zachodniaj chakiejnaj lihi.
Chakiejnyja ekśpierty kažuć, što Konar stanie najlepšym navičkom u hetym siezonie.
Nastupnaj nočču «Kałhary Fłejmz» zhulaje z «Vinipieh Džets». Za «Kałhary» pavinien debiutavać biełarus Jahor Šaranhovič, jaki da hetaha pravioŭ try siezony za «Ńju-Džersi», ale ŭletku byŭ abmienieny ŭ zachodniekanadski kłub.
Abaroncu «Kałhary» Illu Sałaŭjova adpravili ŭ ACHŁ (druhaja pa značnaści chakiejnaja liha ŭ Paŭnočnaj Amierycy). Spadziajemsia, časova. Taksama ŭ ACHŁ časova adpravili i Alaksieja Protasa z «Vašynhtona».
A adna z hałoŭnych intryh siezona: ci pabje forvard «Vašynhtona» i zasnavalnik Putin Team, rasijski chakieist Alaksandr Aviečkin viečny rekord lehiendarnaha forvarda biełaruskaha pachodžańnia Uejna Hrecki.
U Hrecki — 894 šajby, u 38-hadovaha Aviečkina — 822. U siarednim za siezon Alaksandr zakidvaje 45 šajb.
Na zimu zapłanavanyja masavyja zatrymańni, składzienyja «pieršy i druhi śpisy»29
Kamientary